జిల్లా ఎస్పీ డా.జి.జానకి షర్మిల ఆదేశాల మేరకు సారంగాపూర్ మండలం చించోలి (బి) గ్రామంలో పోలీసులు విస్తృత స్థాయిలో కార్డన్ అండ్ సెర్చ్ కార్యక్రమం నిర్వహించారు. ఈ సందర్భంగా సరైన పత్రాలు లేని 75 ద్విచక్ర వాహనాలు, 5 ఆటోలను స్వాధీనం చేసుకున్నారు. అలాగే, ట్రాఫిక్ నిబంధనల ఉల్లంఘనలపై చర్యలు తీసుకుని, రూ.12,655 నగదు వసూలు చేశారు. గంజాయి, సైబర్ నేరాలపై అవగాహన కల్పించారు.
జిల్లా ఎస్పీ డా.జి.జానకి షర్మిల ఆదేశాల మేరకు సారంగాపూర్ మండలం చించోలి (బి) గ్రామంలో విస్తృతంగా కార్డన్ అండ్ సెర్చ్ కార్యక్రమం నిర్వహించారు. ఈ తనిఖీల్లో భాగంగా, వాహనాలకు సంబంధించిన సరైన పత్రాలు లేని 75 ద్విచక్ర వాహనాలు, 5 ఆటోలను పోలీసులు స్వాధీనం చేసుకున్నారు.
నిర్మల్ డీఎస్పీ శ్రీనివాస్ గ్రామ ప్రజలతో సమావేశమై, గ్రామ భద్రత, నేరాల నియంత్రణ, యువత భవిష్యత్తు, సామాజిక బాధ్యతలపై అవగాహన కల్పించారు. వాహనదారులు తప్పనిసరిగా వాహనాలకు సంబంధించిన పూర్తి పత్రాలు కలిగి ఉండాలని ఆయన సూచించారు.
ట్రాఫిక్ నిబంధనలు ఉల్లంఘించిన వారిపై కఠిన చర్యలు తీసుకున్నారు. పెండింగ్లో ఉన్న 69 చలాన్లను క్లియర్ చేయించి, రూ.12,655 నగదు వసూలు చేశారు. ప్రతి ఒక్కరూ ట్రాఫిక్ నియమాలను పాటించి రోడ్డు ప్రమాదాలను నివారించాలని పోలీసులు విజ్ఞప్తి చేశారు.
దీంతో పాటు, గ్రామాల్లో గంజాయి గస్తీ కార్యక్రమాన్ని నిర్వహించి, గంజాయి వినియోగం వల్ల కలిగే దుష్పరిణామాలపై ప్రజలకు అవగాహన కల్పించారు. గ్రామాల్లో సీసీ కెమెరాల ఏర్పాటు నేరాల నియంత్రణకు ఎంతగానో ఉపయోగపడుతుందని వివరించారు. సైబర్ నేరాలు, ఆన్లైన్ మోసాలు, మద్యం సేవించి వాహనాలు నడపడం, మైనర్లు వాహనాలు నడపడం వంటి అంశాలపై కూడా ప్రజలకు అవగాహన కల్పించారు. ఆస్తి సంబంధిత నేరాల నివారణలో ప్రజల సహకారం ఎంతో అవసరమని తెలిపారు.
