ప్రభుత్వ ఉపాధ్యాయులకు వెంటనే పీఆర్సీ అమలు చేయాలని, లేనిపక్షంలో మాట తప్పినట్లేనని ఎస్టీయూటీఎస్ రాష్ట్ర ప్రధాన కార్యదర్శి జుట్టు దేవేందర్ అన్నారు. బోథ్ లో జరిగిన ఉపాధ్యాయుల సమావేశంలో ఆయన ఈ డిమాండ్లను వినిపించారు.
తెలంగాణ రాష్ట్ర ప్రభుత్వం పీఆర్సీ నివేదికను తెప్పించి, వెంటనే ప్రభుత్వ ఉపాధ్యాయులకు పీఆర్సీ అమలు చేస్తామన్న మాటలను నిలబెట్టుకోవాలని ఎస్టీయూటీఎస్ రాష్ట్ర ప్రధాన కార్యదర్శి జుట్టు దేవేందర్ బోథ్ లో ఉపాధ్యాయులు సమావేశం లో డిమాండ్ చేశారు. విద్యాశాఖలో జీవో 190ను అమలు చేయాలని, నూతన హెల్త్ స్కీమ్, సీపీఎస్ రద్దుపై అధ్యయన కమిటీ వేయాలని, డీఎస్సీ 2003 ఉపాధ్యాయులకు పాత పెన్షన్ విధానాన్ని అమలు చేయాలని కోరారు.
అలాగే, గిరిజన సంక్షేమ శాఖలో పండిట్, పీఈటీలను అప్గ్రేడ్ చేయాలని, ఎయిడెడ్, మోడల్ గురుకుల పాఠశాల ఉపాధ్యాయులకు 010 హెడ్ ట్రెజరీల ద్వారా వేతనాలు చెల్లించాలని, రేషనలైజేషన్ జీవో 25ను సవరించాలని డిమాండ్ చేశారు. సమగ్ర శిక్ష, గిరిజన సంక్షేమ శాఖలో కాంట్రాక్టు సిబ్బందికి మినిమం టైం స్కేల్ విధానాన్ని అమలు చేయాలని కూడా వారు కోరారు.
