మందమర్రిలో థీ సన్స్ ఆఫ్ థండర్ ఆధ్వర్యంలో ఉచిత వైద్య శిబిరం

మందమర్రి పాత బస్టాండ్ ప్రాంతంలోని ఫస్ట్ బిలీవర్స్ థండర్ చర్చ్ ప్రాంగణంలో శనివారం ఈ వైద్య శిబిరం నిర్వహించబడింది. ప్రభుత్వ వైద్యులతో పాటు డాక్టర్ లక్ష్మి ప్రసన్న, డాక్టర్ డైసీలు ప్రజలకు ఉచిత వైద్య సేవలు అందించారు.

శిబిరంలో హెచ్‌బీ, రక్తంలో చక్కెర స్థాయి (ఆర్‌బీఎస్), ఎత్తు, బరువు వంటి పలు ఆరోగ్య పరీక్షలు నిర్వహించారు. పరీక్షల అనంతరం అవసరమైన వైద్యుల సూచనలు ప్రజలకు అందజేశారు.

ట్రస్ట్ చైర్మన్, మేనేజింగ్ డైరెక్టర్ జూపాక సోలోమన్, జూపాక సుజాత మాట్లాడుతూ, సమాజంలో ఆరోగ్య అవగాహన పెంచడం, ముఖ్యంగా పేద, మధ్యతరగతి ప్రజలకు ఉచిత వైద్య సేవలు అందించడం తమ సంస్థ లక్ష్యమని తెలిపారు. భవిష్యత్తులో మరిన్ని సేవా కార్యక్రమాలు చేపడతామని పేర్కొన్నారు.

ఈ శిబిరంలో 80 మందికి పైగా ప్రజలు పాల్గొని ఆరోగ్య పరీక్షలు చేయించుకున్నారు. ఏఎన్‌ఎంలు, ఆశా కార్యకర్తలు కూడా ఈ కార్యక్రమంలో పాల్గొని సహాయ సహకారాలు అందించారు.