తెలంగాణ అభివృద్ధి విషయంలో రాజకీయాలకు తావులేదని, దేశ భద్రత, జాతీయ ప్రయోజనాలు, మౌలిక సదుపాయాల కల్పన, ప్రజా సంక్షేమం వంటి అంశాలకు అత్యంత ప్రాధాన్యం ఇవ్వాలని ముఖ్యమంత్రి ఎ. రేవంత్రెడ్డి అన్నారు. ఎన్నికలు పూర్తయిన తర్వాత అందరూ అభివృద్ధి లక్ష్యంగా పనిచేయాలని ఆయన పిలుపునిచ్చారు.
హైదరాబాద్లోని హెచ్ఐసీసీలో నిర్వహించిన 85వ ఇండియన్ రోడ్స్ కాంగ్రెస్ వార్షిక సదస్సులో ముఖ్యమంత్రి రేవంత్రెడ్డి ఈ వ్యాఖ్యలు చేశారు. కేంద్ర ప్రభుత్వం ప్రతిష్టాత్మకంగా చేపట్టిన వికసిత్ భారత్2047 లక్ష్యానికి తెలంగాణ ప్రభుత్వం కూడా తన వంతు సహకారం అందిస్తుందని తెలిపారు. అదే సమయంలో రాష్ట్ర అభివృద్ధికి కేంద్ర ప్రభుత్వం పూర్తి సహకారం అందించాలని కోరారు.
తెలంగాణను 2047 నాటికి 3 ట్రిలియన్ డాలర్ల ఆర్థిక వ్యవస్థగా తీర్చిదిద్దడమే తమ లక్ష్యమని ముఖ్యమంత్రి వెల్లడించారు. ఇందుకోసం తెలంగాణ రైజింగ్2047 విజన్తో ప్రభుత్వం ముందుకు వెళ్తోందన్నారు. 2034 నాటికి రాష్ట్ర ఆర్థిక వ్యవస్థను ఒక ట్రిలియన్ డాలర్ల స్థాయికి తీసుకెళ్లాలని లక్ష్యంగా పెట్టుకున్నట్లు తెలిపారు. ప్రస్తుతం దేశ జనాభాలో తెలంగాణ వాటా 2.5 శాతంగా, జాతీయ జీడీపీలో రాష్ట్ర వాటా 5 శాతంగా ఉందని, 2047 నాటికి దేశ జీడీపీలో తెలంగాణ వాటాను 10 శాతానికి పెంచాలని లక్ష్యంగా పెట్టుకున్నట్లు వివరించారు.
రాష్ట్ర అభివృద్ధి కోసం తెలంగాణను క్యూర్ (), ప్యూర్ (), రేర్ () అనే మూడు ప్రాంతాలుగా విభజించి ప్రణాళికలు రూపొందించినట్లు తెలిపారు. ఔటర్ రింగ్ రోడ్డు పరిధిలోని ప్రాంతాన్ని క్యూర్గా గుర్తించి సేవా రంగ అభివృద్ధికి ప్రాధాన్యం ఇవ్వనున్నారు. ఔటర్ రింగ్ రోడ్డు, ప్రతిపాదిత రీజినల్ రింగ్ రోడ్డు మధ్య ప్రాంతాన్ని ప్యూర్గా అభివృద్ధి చేసి తయారీ, పారిశ్రామిక రంగాలకు కేంద్రంగా తీర్చిదిద్దాలని ప్రభుత్వం భావిస్తోంది. రీజినల్ రింగ్ రోడ్డు వెలుపల ఉన్న గ్రామీణ ప్రాంతాలను రేర్గా అభివృద్ధి చేసి వ్యవసాయం, వ్యవసాయ ఆధారిత పరిశ్రమలకు ప్రోత్సాహం కల్పించనున్నారు.
రాష్ట్ర ఆర్థిక అభివృద్ధిలో రహదారుల పాత్ర కీలకమని రేవంత్రెడ్డి పేర్కొన్నారు. నాణ్యమైన రహదారులు, మెరుగైన రవాణా సౌకర్యాలు ఉంటేనే పరిశ్రమలు, పెట్టుబడులు పెరుగుతాయని ఆయన చెప్పారు. రాష్ట్రంలో రహదారులు, ఇతర మౌలిక సదుపాయాల అభివృద్ధికి ప్రభుత్వం ప్రాధాన్యం ఇస్తోందని ఆయన అన్నారు. ఈ సందర్భంగా కేంద్ర రోడ్డు రవాణా, జాతీయ రహదారుల శాఖ మంత్రి నితిన్ గడ్కరీని కలిసి, రాష్ట్రంలో పెండింగ్లో ఉన్న రహదారి ప్రాజెక్టులకు అనుమతులు త్వరగా మంజూరు చేయాలని ఆయన కోరారు.
వైద్య రంగంలోనూ మౌలిక సదుపాయాలను విస్తరిస్తున్నామని ముఖ్యమంత్రి తెలిపారు. కొత్త ఉస్మానియా ఆస్పత్రి భవనం, తెలంగాణ ఇన్స్టిట్యూట్ ఆఫ్ మెడికల్ సైన్సెస్ (టిమ్స్), నిమ్స్, వరంగల్లోని సూపర్ స్పెషాలిటీ ఆస్పత్రుల ద్వారా రాష్ట్రంలో అదనంగా 8 వేల ఆస్పత్రి పడకలను అందుబాటులోకి తీసుకురానున్నట్లు ఆయన వెల్లడించారు.
ఇక రాష్ట్రానికి దేశీయ, అంతర్జాతీయ పెట్టుబడులను ఆకర్షించేందుకు నుంచి 9 వరకు భారత్ ఫ్యూచర్ సిటీలో ఇన్వెస్ట్ తెలంగాణ గ్లోబల్ సమ్మిట్2026 నిర్వహించనున్నట్లు తెలిపారు. సాంకేతికత, తయారీ రంగం, పరిశోధన, అభివృద్ధి తదితర రంగాల్లో పెట్టుబడులకు ఈ సదస్సు వేదిక కానుందని ఆయన చెప్పారు. ఇండియన్ రోడ్స్ కాంగ్రెస్కు హాజరైన ప్రతినిధులందరూ ఈ పెట్టుబడుల సదస్సులో పాల్గొనాలని రేవంత్రెడ్డి ఆహ్వానించారు.


