స్వాతంత్ర్య పోరాటంలో భారత ప్రజలను ఏకతాటిపైకి తెచ్చిన జాతిపిత మహాత్మాగాంధీ ఆశయాలను అనుసరించాలని, ఆయన చూపిన బాటలో ప్రజాస్వామ్యవాదులు నడవాలని మాజీ ఎమ్మెల్యే దివాకర్ రావు అన్నారు. ప్రజలకు సేవ చేయడమే భాగ్యమని ఆయన పేర్కొన్నారు.
శుక్రవారం స్టేషన్ రోడ్డులోని గాంధీ పార్క్ విగ్రహానికి పూలమాల వేసిన అనంతరం ఆయన మీడియాతో మాట్లాడారు. ఉప్పు సత్యాగ్రహం, విదేశీ వస్త్ర బహిష్కరణ వంటి కార్యచరణలతో ఉద్యమాన్ని ఉవ్వెత్తున సాగించిన మహాత్ముడు స్ఫూర్తిదాత, మార్గదర్శి అని దివాకర్ రావు కొనియాడారు. మహాత్ముడు చూపిన బాటలో ప్రజాస్వామ్యవాదులు నడవాలని, ప్రజలకు సేవ చేయడమే భాగ్యం అని ఆయన అన్నారు. ఈ సందర్భంగా ఆయన మహాత్ముని ఆశయాలను గుర్తు చేసుకున్నారు. గాంధీ జయంతి వేడుకల్లో భాగంగా బీఆర్ఎస్ నేతలు పెద్ద సంఖ్యలో పాల్గొని, మహాత్ముని విగ్రహానికి పూలమాలలు వేశారు. ఈ కార్యక్రమంలో రాష్ట్ర నాయకులు విజిత్ రావు, నాయకులు గాదె సత్యం, రవీందర్ రెడ్డి తదితరులు పాల్గొన్నారు.
