డయేరియా నివారణకు జిల్లాలో అవగాహన కార్యక్రమాలు

మొదటి దశలో భాగంగా, జూన్ 1వ తేదీ నుండి 15వ తేదీ వరకు జిల్లా వ్యాప్తంగా అవగాహన కార్యక్రమాలు నిర్వహించబడతాయి. రెండవ దశలో, జూన్ 16వ తేదీ నుండి జూలై 31వ తేదీ వరకు ప్రతి గ్రామంలో ఓఆర్ఎస్, జింక్ డిపోలు ఏర్పాటు చేయబడతాయి. ఆశా కార్యకర్తలు ఇంటింటికి వెళ్లి ఐదు సంవత్సరాలలోపు పిల్లలను గుర్తించి, ఓఆర్ఎస్ ద్రావణాన్ని అందుబాటులో ఉంచుతారు.

ఈ సంవత్సరం శిశు మరణాలను తగ్గించే లక్ష్యంతో, డయేరియా నివారణకు తీసుకోవాల్సిన జాగ్రత్తలపై తల్లులు, గర్భిణీ స్త్రీలకు అవగాహన కల్పించబడుతుంది. అంగన్వాడి, ఆశా కార్యకర్తల వద్ద ఓఆర్ఎస్, జింక్ అందుబాటులో ఉంచాలని ఆదేశాలు జారీ అయ్యాయి.

జాతీయ టీకాల కార్యక్రమంలో భాగంగా రోటా వైరస్ టీకాను అందరికీ అందించడంతో పాటు, వ్యక్తిగత పరిశుభ్రత, సురక్షితమైన తాగునీటి వాడకంపై అవగాహన కల్పిస్తారు. మారుమూల, గిరిజన ప్రాంతాలు, స్లమ్ ఏరియాలపై ప్రత్యేక దృష్టి సారించాలని వైద్య సిబ్బందిని ఆదేశించారు.

డయేరియా వలన శరీరంలో నీటి శాతం తగ్గిపోతుందని, వెంటనే ఓఆర్ఎస్ ద్రావణాన్ని అందించాలని, దానిని తయారు చేసే విధానాన్ని వివరించాలని సూచించారు. తల్లిపాల ప్రాముఖ్యత, అనుబంధ ఆహారం, టీకాలు, విటమిన్ ఏ సిరప్ వంటి జాగ్రత్తలు తీసుకోవడం ద్వారా పిల్లలను డయేరియా బారిన పడకుండా కాపాడుకోవచ్చని తెలిపారు.