మంచిర్యాల (అక్షరవేకువ) ఆగస్టు 19
మంచిర్యాల జిల్లా, చెన్నూరు నియోజకవర్గంలో కార్మిక, మైనింగ్ శాఖ మంత్రి గడ్డం వివేక్ వెంకటస్వామి విస్తృతంగా పర్యటించారు. ప్రభుత్వ ఆశ్రమ పాఠశాలలో సింగరేణి నిధుల కింద రూ. 50 లక్షలతో చేపట్టనున్న పలు అభివృద్ధి పనులకు పెద్దపల్లి ఎంపీ వంశీ కృష్ణతో కలిసి మంత్రి వివేక్ శంకుస్థాపన చేశారు.
మంచిర్యాల జిల్లా, చెన్నూరు నియోజకవర్గంలో కార్మిక, మైనింగ్ శాఖ మంత్రి గడ్డం వివేక్ వెంకటస్వామి విస్తృతంగా పర్యటించారు. ప్రభుత్వ ఆశ్రమ పాఠశాలలో సింగరేణి నిధుల కింద రూ. 50 లక్షలతో చేపట్టనున్న పలు అభివృద్ధి పనులకు పెద్దపల్లి ఎంపీ వంశీ కృష్ణతో కలిసి మంత్రి వివేక్ శంకుస్థాపన చేశారు. విద్యార్థుల సౌకర్యార్థం ఆశ్రమ పాఠశాలలో మౌలిక వసతుల కల్పన, అదనపు గదుల నిర్మాణానికి నిధులు కేటాయించారు. నియోజకవర్గ సమగ్రాభివృద్ధే లక్ష్యంగా నిధులు మంజూరు చేస్తామని స్థానిక ప్రజలకు హామీ ఇచ్చారు. మంత్రితో పాటు కార్యక్రమంలో జిల్లా కలెక్టర్ కుమార్ దీపక్, మంచిర్యాల డీసీపీ భాస్కర్, మాజీ ఎమ్మెల్సీ పురాణం సతీష్, స్థానిక ప్రజాప్రతినిధులు, అధికారులు, కాంగ్రెస్ పార్టీ శ్రేణులు పాల్గొన్నారు.
మంత్రి వివేక్ వ్యాఖ్యలు
తాను గెలిచిన తర్వాత ఈ పాఠశాల పరిస్థితిని పరిశీలించానని, అప్పట్లో సోషల్ వెల్ఫేర్ హాస్టల్ కు రూ. 15 లక్షల నిధులు కేటాయించానని మంత్రి వివేక్ తెలిపారు. ఆశ్రమ పాఠశాలలో వసతుల కల్పనకు మరిన్ని నిధులు కేటాయించాలని స్థానిక నాయకులు కోరడంతో, రూ. 80 లక్షల నిధులు మంజూరు చేశామని, చక్కటి కిచెన్, డైనింగ్ హాల్ ఏర్పాటు చేశామని చెప్పారు. గత పదేళ్లలో బీఆర్ఎస్ నాయకులు, బాల్క సుమన్ హయాంలో బాత్రూమ్ సదుపాయాలు ఎందుకు కల్పించలేదని ప్రశ్నించారు. 97 శాతం ఉత్తీర్ణత సాధించిన విద్యార్థులు మరింత కష్టపడి 100 శాతం ఉత్తీర్ణత సాధించాలని ఆకాంక్షించారు. సోమనపల్లి గ్రామంలో రూ. 250 కోట్లతో యంగ్ ఇండియా ఇంటిగ్రేటెడ్ స్కూల్ ఏర్పాటు చేస్తున్నట్లు తెలిపారు. కాంగ్రెస్ ప్రభుత్వం అధికారంలోకి వచ్చాక విద్యార్థులకు నాణ్యమైన భోజనం అందిస్తున్నామని, 50 వేల మంది ఉపాధ్యాయులను భర్తీ చేశామని పేర్కొన్నారు. ప్రజలకు అనుకూలంగా సెప్టెంబర్ 4న 100 పడకల ఆసుపత్రి భవనాన్ని ప్రారంభిస్తున్నామని, ఇప్పటికే 23 మంది వైద్యులు అందుబాటులోకి వచ్చారని తెలిపారు. చెన్నూరు ప్రభుత్వ ఆసుపత్రిలో డయాలసిస్ సెంటర్ కూడా ఏర్పాటు చేశామని, ప్రజలు సద్వినియోగం చేసుకోవాలని సూచించారు.
ఎంపీ వంశీ కృష్ణ వ్యాఖ్యలు
పిల్లలందరూ కింద కూర్చోవడం చూసి బాధ కలిగిందని ఎంపీ వంశీ కృష్ణ అన్నారు. కోటపల్లి మారుమూల ప్రాంతంలో ఇంత మంచి పాఠశాల ఉండటం సంతోషకరమని, గతంలో ఈ పాఠశాల పరిస్థితి అధ్వాన్నంగా ఉండేదని, ఇప్పుడు నిధులు కేటాయించి అభివృద్ధి చేసుకోవడం ఆనందంగా ఉందని తెలిపారు. బాబాసాహెబ్ అంబేద్కర్ ఆశయాలకు అనుగుణంగా పాఠశాలలను అభివృద్ధి చేస్తున్న మంత్రి వివేక్ వెంకటస్వామిని అభినందించారు. ఢిల్లీలో విద్యార్థులు తమ హక్కుల కోసం పోరాటం చేశారని, బీజేపీ ప్రభుత్వం పరీక్షా పత్రాల లీకేజీకి నిరసనగా ఢిల్లీలో ఆందోళనలు చేస్తే, శాంతియుతంగా నిరసనలు తెలిపిన తమను అరెస్ట్ చేశారని తెలిపారు. ప్రజలకు ఏవైనా ఇబ్బందులుంటే తమ దృష్టికి తీసుకువస్తే వెంటనే పరిష్కరిస్తామని, విద్యార్థులు బాగా చదువుకొని ఉన్నత స్థాయికి ఎదగాలని ఆకాంక్షించారు.
