మంచిర్యాల మేయర్ దంపతుల వారాహి దేవి దర్శనం అమ్మ చూపు చల్లగా మంచిర్యాల పైన ఉండాలి మేయర్ మధుకర్ - ప్రత్యేక పూజలు

మంచిర్యాల (అక్షరవేకువ) జూలై 23

మంచిర్యాల మున్సిపల్ కార్పొరేషన్ మేయర్ దంపతులు శ్రీ దర్ని మధుకర్ సుజాత గార్లు, రెడ్డి కాలనీలో జరుగుతున్న శ్రీ పరాభవ నామ సంవత్సరం ఆషాఢ మాస శ్రీ వారాహి దేవి నవరాత్రి ఉత్సవాల్లో పాల్గొన్నారు. వారు శ్రీ వారాహి అమ్మవారిని దర్శించుకొని ప్రత్యేక పూజలు నిర్వహించారు.

మంచిర్యాల మున్సిపల్ కార్పొరేషన్ పరిధిలోని రెడ్డి కాలనీలో శ్రీ వాసుకి పరమేశ్వరి సేవా సంస్థ ఆధ్వర్యంలో నిర్వహిస్తున్న శ్రీ పరాభవ నామ సంవత్సరం ఆషాఢ మాస శ్రీ వారాహి దేవి నవరాత్రి ఉత్సవాల్లో మంచిర్యాల మున్సిపల్ కార్పొరేషన్ మేయర్ దంపతులు శ్రీ దర్ని మధుకర్ సుజాత గార్లు పాల్గొన్నారు. వారు శ్రీ వారాహి అమ్మవారిని భక్తిశ్రద్ధలతో దర్శించుకొని ప్రత్యేక పూజలు నిర్వహించారు.

ఈ సందర్భంగా అమ్మవారి ఆశీస్సులు సమస్త ప్రజలపై ఉండాలని, ప్రజలందరూ సుఖశాంతులు, ఆయురారోగ్యాలు, ఐశ్వర్యాలు పొందాలని మేయర్ దంపతులు ప్రార్థించారు.

అనంతరం కార్యక్రమ నిర్వాహకులు, పురోహితులు కలిసి మేయర్ దంపతులను శాలువాతో సత్కరించి, అమ్మవారి తీర్థప్రసాదాలను అందజేశారు.

ఈ కార్యక్రమంలో మేయర్‌తో పాటు నూతనంగా ఎన్నికైన మంచిర్యాల మార్కెట్ కమిటీ చైర్మన్ రామగిరి బానేష్, సీనియర్ కాంగ్రెస్ నాయకులు చిలువేరు శ్రీనివాస్, పురోహితులు వేణు గోపాల చారి, భక్తులు, స్థానిక ప్రజలు అధిక సంఖ్యలో పాల్గొన్నారు.