మంచిర్యాల (అక్షరవేకువ) ఆగస్టు 20
తెలంగాణ రాష్ట్ర ప్రభుత్వం పాలిటెక్నిక్ బోర్డు అయిన ను శక్తి స్కీమ్ లో విలీనం చేయడానికి జారీ చేసిన జీవో నెం.97 ను వెంటనే రద్దు చేయాలని కోరుతూ మంచిర్యాల జిల్లా కలెక్టరేట్ ను విద్యార్థులు గురువారం ముట్టడించారు. ఈ ఆందోళనకు పలు విద్యార్థి సంఘాలు మద్దతు ప్రకటించాయి.
తెలంగాణ రాష్ట్ర ప్రభుత్వం పాలిటెక్నిక్ బోర్డు అయిన ను శక్తి స్కీమ్ లో విలీనం చేయడానికి జారీ చేసిన జీవో నెం.97 ను వెంటనే రద్దు చేసి, పాలిటెక్నిక్ విద్యార్థులకు న్యాయం చేయాలని కోరుతూ మంచిర్యాల జిల్లా కలెక్టరేట్ ను విద్యార్థులు గురువారం ముట్టడించారు. ఈ ఆందోళనకు వామపక్ష విద్యార్థి సంఘాలైన పీడీఎస్ యూ, యూఎస్ఎఫ్ఐ, ఏఐఎస్ బి తో పాటు నవతరం స్టూడెంట్ ఫెడరేషన్ నాయకులు మద్దతు ప్రకటించి పాల్గొన్నారు.
ప్రభుత్వ నిరంకుశ ధోరణిపై ఆగ్రహం
ఈ సందర్భంగా రాష్ట్ర అధ్యక్షుడు నీరటి రామ్ ప్రసాద్ మాట్లాడుతూ, తెలంగాణ రాష్ట్ర ప్రభుత్వం తన నిరంకుశ ధోరణిని మానుకోవాలని హెచ్చరించారు. ఇప్పటికే ద్వారా విద్యను కొనసాగిస్తున్న పాలిటెక్నిక్ విద్యార్థులను, భవిష్యత్ ఇంజినీర్లుగా తీర్చిదిద్దాల్సిన తరుణంలో, శక్తి అనే కొత్త స్కీమ్ లో విలీనం చేయడం వారి భవిష్యత్తును అగమ్యగోచరంగా మారుస్తోందని ఆయన మండిపడ్డారు.
ఉద్యోగ అవకాశాలపై ఆందోళన
ఐటీఐ పూర్తి చేసిన విద్యార్థులకే ఉద్యోగాలు కల్పించలేక నిరుద్యోగులుగా మిగులుతున్న ఈ తరుణంలో, ఇంజినీరింగ్ లేదా ప్రోగ్రామింగ్ నేర్చుకొని ఉన్నత స్థాయికి ఎదగాలనే ఆశతో పాలిటెక్నిక్ లో చేరిన విద్యార్థులను శక్తి స్కీమ్ లో చేర్చి, వారిని కూడా కాబోయే నిరుద్యోగులుగా మార్చే ప్రయత్నం జరుగుతోందని రామ్ ప్రసాద్ ఆవేదన వ్యక్తం చేశారు.
జీవో రద్దు చేయకపోతే తీవ్ర పరిణామాలు
రాష్ట్ర ప్రభుత్వం తమ మొండి వైఖరిని వీడి, జీవో నెం.97 ను తక్షణమే రద్దు చేసి, ను యధావిధిగా కొనసాగించాలని ఆయన డిమాండ్ చేశారు. ఒకవేళ ప్రభుత్వం తమ డిమాండ్లను పట్టించుకోకపోతే, తెలంగాణ రాష్ట్రంలో ఢిల్లీ తరహాలో మరో ఉద్యమం తప్పదని, దాని పర్యవసానంగా ముఖ్యమంత్రి కుర్చీ కూడా కదిలిపోతుందని ఆయన హెచ్చరించారు.
ఆందోళనలో పాల్గొన్న నాయకులు
ఈ కార్యక్రమంలో వామపక్ష విద్యార్థి సంఘాల నాయకులు శ్రీకాంత్, సన్నీ గౌడ్, తిరుపతి, రాకేష్ తో పాటు పలువురు విద్యార్థులు పాల్గొన్నారు.
