తిరుమల శ్రీవారి నవరాత్రి బ్రహ్మోత్సవాలు అక్టోబర్ 10 నుంచి 20వ తేదీ వరకు వైభవంగా నిర్వహించనున్నారు. అధికమాసం సందర్భంగా టీటీడీ ఈ ప్రత్యేక ఉత్సవాలను నిర్వహిస్తోంది. ఈసారి సాధారణ బ్రహ్మోత్సవాలకు భిన్నంగా ధ్వజారోహణం, పెద్ద రథం, ధ్వజావరోహణం ఉండవని టీటీడీ వెల్లడించింది.
ఉత్సవాల్లో భాగంగా వివిధ వాహన సేవలు ఉదయం 8 నుంచి 10 గంటల వరకు, సాయంత్రం 7 నుంచి రాత్రి 9 గంటల వరకు నిర్వహించనున్నారు. అయితే అత్యంత ముఖ్యమైన గరుడ వాహన సేవ సాయంత్రం 6.30 గంటల నుంచి రాత్రి 11.30 గంటల వరకు కొనసాగుతుంది.
ముఖ్య వాహన సేవలు
బంగారు తిరుచ్చి ఉత్సవం, పెద్ద శేష వాహనం, చిన్న శేష వాహనం, హంస వాహనం, సింహ వాహనం, ముత్యాల పందిరి వాహనం, కల్పవృక్ష వాహనం, సర్వభూపాల వాహనం, మోహినీ అవతారం, గరుడ వాహనం, హనుమంత వాహనం, పుష్పక విమానం, గజ వాహనం, సూర్యప్రభ వాహనం, చంద్రప్రభ వాహనం, స్వర్ణ రథం, అశ్వ వాహనం, చక్రస్నానం వంటివి ముఖ్యమైన వాహన సేవల్లో ఉన్నాయి.
ఉత్సవాలకు ముందుగా అక్టోబర్ 9 రాత్రి 7 నుంచి 9 గంటల వరకు అంకురార్పణం నిర్వహించనున్నారు. అక్టోబర్ 10 ఉదయం 6 గంటలకు చక్రస్నానం జరగనుంది. టీటీడీ అధికారిక వివరాల ప్రకారం గరుడ వాహనం, చక్రస్నానం ప్రధాన ఘట్టాలుగా నిలవనున్నాయి.
టీటీడీ ఇప్పటికే 2026 సంవత్సరానికి సంబంధించిన బ్రహ్మోత్సవాల వివరాల బుక్లెట్ను విడుదల చేసింది. ఇందులో నుంచి 23 వరకు జరిగిన సాలకట్ల బ్రహ్మోత్సవాలతో పాటు అక్టోబర్ 10 నుంచి 20 వరకు జరగనున్న నవరాత్రి బ్రహ్మోత్సవాల వాహన సేవలు, ముఖ్య కార్యక్రమాల వివరాలను పొందుపరిచింది.
