మానసిక ఆరోగ్య చికిత్సకు బీమా కవరేజీ: క్లెయిమ్కు ముందు తెలుసుకోవాల్సినవి

మానసిక ఆరోగ్యాన్ని మెరుగుపరుచుకోవడానికి కౌన్సెలింగ్, సైకోథెరపీ వంటి చికిత్సలు తీసుకునేవారి సంఖ్య పెరుగుతోంది. అయితే ప్రతి సెషన్కు అయ్యే ఖర్చును ఆరోగ్య బీమా సంస్థ చెల్లిస్తుందా అనే సందేహం చాలామందిలో ఉంది. మానసిక అనారోగ్య చికిత్సలకు బీమా రక్షణ కల్పించాలనే నిబంధనలు ఉన్నప్పటికీ, అన్ని రకాల థెరపీ ఖర్చులకు క్లెయిమ్లు లభిస్తాయని భావించడం సరికాదు. పాలసీలోని షరతులు, చికిత్స విధానం, ఖర్చుల పరిమితులను ముందుగానే తెలుసుకోవడం అవసరం.

బీమా రక్షణ ఉందా

భారతదేశ మానసిక ఆరోగ్య సంరక్షణ చట్టం2017 ప్రకారం, మానసిక అనారోగ్య చికిత్సకు కూడా శారీరక అనారోగ్య చికిత్సకు ఇచ్చే విధంగానే బీమా సదుపాయాలు కల్పించాలి. ఈ నిబంధనల అమలుకు భారత బీమా నియంత్రణ, అభివృద్ధి ప్రాధికార సంస్థ () కూడా మార్గదర్శకాలు జారీ చేసింది. అయితే బీమా రక్షణ ఉందనే కారణంతో ప్రతి కౌన్సెలింగ్ లేదా థెరపీ సెషన్కు అయ్యే ఖర్చు తిరిగి వస్తుందని అనుకోకూడదు.

కొన్ని పాలసీలు ఆసుపత్రిలో చేరి పొందే చికిత్సకు ప్రాధాన్యం ఇవ్వవచ్చు. మరికొన్ని పాలసీల్లో వైద్యుడిని బయట సంప్రదించే చికిత్సలకు, అంటే ఔట్ పేషెంట్ విభాగం (ఓపీడీ) సేవలకు, నిర్దిష్ట పరిమితులతో కవరేజీ ఉండవచ్చు. అందువల్ల, క్లెయిమ్ చేయడానికి ముందు పాలసీ వివరాలను క్షుణ్ణంగా పరిశీలించడం చాలా ముఖ్యం.

క్లెయిమ్కు ముందు పరిశీలించాల్సిన అంశాలు

1. ఓపీడీ చికిత్సకు కవరేజీ ఉందా సైకాలజిస్ట్, సైకియాట్రిస్ట్ను సంప్రదించడానికి లేదా కౌన్సెలింగ్ సెషన్లకు అయ్యే ఖర్చు పాలసీలో చేర్చారా లేదా అని తెలుసుకోవాలి. ఆసుపత్రిలో చేరినప్పుడు మాత్రమే వర్తించే పాలసీ అయితే, సాధారణంగా నిర్వహించే ప్రతి థెరపీ సెషన్కు క్లెయిమ్లు లభించకపోవచ్చు.

2. వార్షిక పరిమితులు కొన్ని పాలసీల్లో మానసిక ఆరోగ్య చికిత్సలకు ప్రత్యేక ఆర్థిక పరిమితులు ఉండవచ్చు. ఓపీడీ ఖర్చులకు గరిష్ఠ మొత్తం, ఒక్కో సంప్రదింపునకు చెల్లించే మొత్తం, సంవత్సరంలో అనుమతించే సెషన్ల సంఖ్య వంటి వివరాలను పరిశీలించాలి.

3. నిపుణుడి అర్హత చికిత్స అందించే వ్యక్తి అర్హతలు, ఆసుపత్రి లేదా వైద్య కేంద్రం గుర్తింపు, అవసరమైన వైద్య పత్రాలు వంటి అంశాలు క్లెయిమ్ సమయంలో కీలకంగా మారవచ్చు. పాలసీ ప్రకారం ఏ వైద్యుల సేవలకు కవరేజీ వర్తిస్తుందో ముందుగానే నిర్ధారించుకోవాలి.

4. మినహాయింపులు, షరతులు పాలసీ పత్రాల్లో కొన్ని చికిత్సలు, సేవలకు సంబంధించిన మినహాయింపులు ఉండవచ్చు. అలాగే ముందస్తు అనుమతి, వేచి ఉండాల్సిన కాలం, సహ-చెల్లింపు వంటి నిబంధనలు వర్తించవచ్చు. వీటిని పట్టించుకోకపోతే క్లెయిమ్లు తిరస్కరణకు గురయ్యే అవకాశం ఉంది.