మంచిర్యాల (అక్షరవేకువ) జూలై 20
మంచిర్యాల మున్సిపల్ కార్పొరేషన్ లో నెలకొన్న సమస్యల పరిష్కారంలో కాంగ్రెస్ ప్రభుత్వం విఫలమైందని బీజేపీ రాష్ట్ర ఉపాధ్యక్షులు రఘునాథ్ వెరబెల్లి అన్నారు. గర్మిళ్ళ జోన్ కార్యవర్గ సమావేశంలో ఆయన మాట్లాడుతూ, రాబోయే రోజుల్లో పార్టీ చేపట్టాల్సిన కార్యక్రమాలపై దిశా నిర్దేశం చేశారు.
మంచిర్యాల మున్సిపల్ కార్పొరేషన్ గర్మిళ్ళ జోన్ అధ్యక్షులు అమిరిశెట్టి రాజ్ కుమార్ అధ్యక్షతన జరిగిన బీజేపీ గర్మిళ్ళ జోన్ కార్యవర్గ సమావేశంలో బీజేపీ రాష్ట్ర ఉపాధ్యక్షులు రఘునాథ్ వెరబెల్లి పాల్గొన్నారు. రాబోయే రోజుల్లో పార్టీ ఆధ్వర్యంలో చేపట్టాల్సిన కార్యక్రమాలపై ఆయన దిశా నిర్దేశం చేశారు.
కార్పొరేషన్ లో అనేక సమస్యలు నెలకొన్నాయని, వాటిని పరిష్కరించడంలో కాంగ్రెస్ ప్రభుత్వం పూర్తిగా విఫలం అయిందని రఘునాథ్ వెరబెల్లి అన్నారు. ముఖ్యంగా అండలమ్మ కాలనీ డంపింగ్ యార్డు తరలింపు, గోదావరిపై వంతెన నిర్మాణం, రాళ్ళ వాగుపై కరకట్ట నిర్మాణం వంటి ప్రధాన సమస్యలపై పోరాటం చేసి పరిష్కారానికి కృషి చేయాలని ఆయన బిజెపి శ్రేణులకు సూచించారు.
2028 ఎన్నికల్లో బిజెపి గెలుపే లక్ష్యంగా ప్రతి ఒక్క కార్యకర్త ఇప్పటి నుండే పని చేయాలని ఆయన పిలుపునిచ్చారు.
ఈ కార్యక్రమంలో అమిరిశెట్టి రాజ్ కుమార్, పెద్దపల్లి పురుషోత్తం, ఎనగందుల కృష్ణ మూర్తి, మోతపలుకుల తిరుపతి, డేగ బాపు, పచ్చ స్వప్న రాణి, ఆడే ప్రేమ్ సింగ్, ముచ్చకుర్తి కిషోర్, మెరెడిగొండ శ్రీనివాస్, బింగి సత్యనారాయణ తదితరులు పాల్గొన్నారు.
