మంచిర్యాల జిల్లా మందమరి మండలం రామకృష్ణాపూర్ ఆర్కే-1 సుభాష్నగర్కు చెందిన ఆలుకా సాయి తేజశ్రీ, సాధారణ కుటుంబ నేపథ్యం నుంచి వచ్చి, కష్టపడి చదువుకుని ఎంబీబీఎస్ పట్టా పొందారు. ఈమె విద్యాభ్యాస ప్రస్థానం ఎంతోమందికి స్ఫూర్తినిస్తుంది.
ఆలుకా సాయి తేజశ్రీ తన ప్రాథమిక విద్యను రామకృష్ణాపూర్లోని తవక్కల్ హై స్కూల్లో అభ్యసించారు. అనంతరం కరీంనగర్ జిల్లా చింతకుంటలోని తెలంగాణ సాంఘిక సంక్షేమ గురుకుల పాఠశాల మరియు కళాశాల బాలికల సంస్థలో 5వ తరగతి నుంచి 10వ తరగతి వరకు చదివారు.
ఇంటర్మీడియట్ విద్యను మంచిర్యాల జిల్లా కేంద్రంలోని ప్రతిభ జూనియర్ కళాశాలలో పూర్తి చేసిన ఆమె, ప్రస్తుతం హైదరాబాద్ సనత్నగర్లోని ఇఎస్ఐ మెడికల్ కళాశాలలో ఎంబీబీఎస్ విద్యను పూర్తి చేసుకున్నారు.
ఆమె తండ్రి ఆటో డ్రైవర్గా, తల్లి అంగన్వాడీ హెల్పర్గా పనిచేస్తున్నారు. వారి ప్రోత్సాహంతో సాయి తేజశ్రీ వైద్య విద్యలో ప్రవేశించి, ఎంబీబీఎస్ పూర్తి చేయడం గ్రామానికి గర్వకారణంగా మారింది.
సాధారణ కుటుంబం నుంచి వచ్చినప్పటికీ, అంకితభావంతో, కష్టపడి చదివితే ఉన్నత శిఖరాలను అధిరోహించవచ్చని సాయి తేజశ్రీ నిరూపించారు. ఆమె విజయం ఎందరో యువతకు ఆదర్శంగా నిలుస్తుంది.
