దేశీయ స్టాక్ మార్కెట్లు మంగళవారం లాభాల బాటలో పయనించాయి. కొనుగోళ్ల మద్దతుతో సెన్సెక్స్, నిఫ్టీ సూచీలు పైకి కదిలాయి. ముఖ్యంగా ఎఫ్ఎంసీజీ రంగ షేర్లలో కొనుగోళ్లు వెల్లువెత్తడంతో ఆ రంగం టాప్ గెయినర్గా నిలిచింది.
ఉదయం ట్రేడింగ్లో సెన్సెక్స్ 445 పాయింట్లకు పైగా లాభంతో 76,137.88 వద్ద ప్రారంభమైంది. నిఫ్టీ 104 పాయింట్లకు పైగా పెరిగి 23,545.25 వద్ద ప్రారంభమైంది. బ్యాంకింగ్, ఆర్థిక సేవలు, ఎఫ్ఎంసీజీ, సిమెంట్ రంగాల షేర్లలో కొనుగోళ్లు మార్కెట్కు మద్దతునిచ్చాయి. నిఫ్టీ ఎఫ్ఎంసీజీ సూచీ ప్రారంభ ట్రేడింగ్లో సుమారు 1.4 శాతం పెరిగింది.
మార్కెట్కు కలిసొచ్చిన అంశాలు
అంతర్జాతీయ మార్కెట్ల పరిణామాలు, ముడి చమురు ధరల్లో తగ్గుదల, విదేశీ పెట్టుబడిదారుల కొనుగోళ్లు ఇన్వెస్టర్ల సెంటిమెంట్ను ప్రభావితం చేశాయి. దీర్ఘకాలిక మూలధన లాభాల పన్ను విధానంలో మార్పులు రావచ్చన్న అంచనాలు కూడా మార్కెట్లో ఆసక్తిని పెంచాయి.
లాభాల్లో కొన్ని షేర్లు.. నష్టాల్లో మరికొన్ని
ప్రారంభ ట్రేడింగ్లో ఇండిగో, ఏషియన్ పెయింట్స్, హెచ్డీఎఫ్సీ బ్యాంక్ షేర్లు లాభాలతో కదిలాయి. మరోవైపు ఓఎన్జీసీ, అపోలో హాస్పిటల్స్, పవర్గ్రిడ్ వంటి షేర్లలో అమ్మకాల ఒత్తిడి కనిపించింది. ఫార్మా, హెల్త్కేర్ రంగాల సూచీలు కూడా కొంత బలహీనంగా ట్రేడయ్యాయి.
