మంచేరియల్, 13 November
బీఆర్ఎస్ నేతలు ప్రజలను తప్పుదోవ పట్టిస్తున్నారని ఎంపీ గడ్డం వంశీకృష్ణ విమర్శించారు. స్విచ్ ఆన్ చేస్తే కేటీఆర్ గేట్ల కిందే నిలబడాల్సిన పరిస్థితి వస్తుందని ఆయన వ్యాఖ్యానించారు. కాంగ్రెస్ పార్టీ కార్యకర్తల మధ్య విభేదాలు సృష్టించి దాడులకు పాల్పడితే సహించేది లేదని హెచ్చరించారు.
బీఆర్ఎస్ నేతలు అనవసర రాజకీయాలు చేస్తూ ప్రజలను తప్పుదోవ పట్టించే ప్రయత్నం చేస్తున్నారని ఎంపీ గడ్డం వంశీకృష్ణ విమర్శించారు. స్విచ్ ఆన్ చేస్తే కేటీఆర్ గేట్ల కిందే నిలబడాల్సిన పరిస్థితి వస్తుందని ఆయన వ్యాఖ్యానించారు. కాంగ్రెస్ పార్టీ ఒక్కటే అయినప్పటికీ, కార్యకర్తల మధ్య వర్గ విభేదాలు సృష్టించి దాడులకు పాల్పడితే సహించేది లేదని ఆయన హెచ్చరించారు. ఎలాంటి నిర్బంధాలు ఎదురైనా అధిగమించి ప్రజల పక్షాన నిలబడతామని స్పష్టం చేశారు.
రాష్ట్రంలో ప్రజాపాలన ద్వారా మెరుగైన ఫలితాలు అందిస్తున్నామని, ఇందిరమ్మ ఇళ్లతో ప్రతి పేద కుటుంబంలో కొత్త వెలుగులు నింపుతున్నామని ఆయన తెలిపారు. ప్రజాస్వామ్యబద్ధంగా ప్రజల స్వేచ్ఛకు ప్రాధాన్యతనిస్తూ అభివృద్ధి కార్యక్రమాలు చేపడుతున్నామని పేర్కొన్నారు.
పార్లమెంట్ పరిధిలో అభివృద్ధికి ప్రత్యేక ప్రణాళికలు రూపొందిస్తున్నామని, త్వరలో మంచిర్యాలలో రైల్వే ఫ్లైఓవర్తో పాటు గోదావరి వంతెన నిర్మాణంపై దృష్టి సారిస్తామని ఆయన వెల్లడించారు. హైటెక్ సిటీ, గాంధీనగర్ ఫ్లైఓవర్ పనులతో పాటు మంచిర్యాల నుంచి హైదరాబాద్కు ప్రయాణ దూరం సుమారు 25 కిలోమీటర్లు తగ్గించేలా గోదావరి వంతెన ఏర్పాటుకు కృషి చేస్తామని ఆయన హామీ ఇచ్చారు.
ఎంపీ నిధులతో కోటి రూపాయల వ్యయంతో నిర్మించిన నేతకాని భవన్ను మరింత అభివృద్ధి చేసేందుకు కృషి చేస్తానని ఆయన అన్నారు. నేతకాని సంఘం అభ్యున్నతికి, సామాజిక ఐక్యతకు ఈ భవనం వేదికగా నిలవాలని ఆయన ఆకాంక్షించారు. కులమతాలకు అతీతంగా కాంగ్రెస్ పార్టీ అభివృద్ధి కార్యక్రమాలు చేపడుతోందని ఆయన తెలిపారు.







