జైపూర్ లోని ఎస్టిపిపి ఓపెన్ ఆడిటోరియంలో 12వ అంతర్జాతీయ యోగా దినోత్సవాన్ని పురస్కరించుకుని ప్రత్యేక కార్యక్రమం నిర్వహించారు. ఈ సందర్భంగా ఉద్యోగులకు యోగాసనాలు, ప్రాణాయామంపై శిక్షణ ఇచ్చారు. ఆరోగ్యకరమైన వృద్ధాప్యం కోసం యోగా అనే థీమ్తో ఈ వేడుకలు జరిగాయి.
ఎస్టిపిపిలో జరిగిన ఈ కార్యక్రమంలో ముఖ్య అతిథిగా ఎస్టిపిపి జిఎం ఎం. మదన్ మోహన్ పాల్గొన్నారు. హార్ట్ ఫుల్ నెస్ సంస్థకు చెందిన యోగా ట్రైనర్ శ్రీ జి. సత్యం ఉద్యోగులకు వివిధ యోగా పద్ధతులను నేర్పించారు. గుండె, లివర్, పొట్ట ఆరోగ్యానికి సంబంధించిన ఆసనాలపై ప్రత్యేకంగా దృష్టి సారించారు.
జిఎం ఎం. మదన్ మోహన్ మాట్లాడుతూ, యోగా వల్ల ఉద్యోగులు ఎదుర్కొనే మానసిక, శారీరక ఒత్తిడి తగ్గుతుందని, కండరాలు బలోపేతమవుతాయని, బరువు నియంత్రణలో ఉంటుందని తెలిపారు. యోగా ఆత్మవిశ్వాసాన్ని పెంచి, వైద్యుల అవసరాన్ని తగ్గిస్తుందని ఆయన అన్నారు.
ఈ ఏడాది అంతర్జాతీయ యోగా దినోత్సవ థీమ్ “ఆరోగ్యకరమైన వృద్ధాప్యం కోసం- యోగా” అని ఆయన వెల్లడించారు. ఈ కార్యక్రమంలో పలువురు అధికారులు, ఉద్యోగులు, సిబ్బంది పాల్గొన్నారు.
