తెలంగాణ ప్రభుత్వం నిర్మల్ జిల్లాలో మొక్కజొన్న కొనుగోలు కేంద్రాలను ఏర్పాటు చేయడాన్ని కిసాన్ సెల్ అధ్యక్షులు అట్ల పోతరెడ్డి స్వాగతించారు. రైతులకు మద్దతు ధర రూ. 3,699 లభించేలా చూడటమే లక్ష్యంగా ఈ కేంద్రాలను ఏర్పాటు చేసినట్లు తెలిపారు.
ముఖ్యమంత్రి శ్రీ ఎనుముల రేవంత్ రెడ్డి, వ్యవసాయ శాఖ మంత్రి శ్రీ తుమ్మల నాగేశ్వరరావు, జిల్లా ఇంచార్జీ మంత్రి శ్రీ జూపల్లి కృష్ణారావు, ప్రభుత్వ సలహాదారు సుదర్శన్ రెడ్డిల చొరవతో ఈ కేంద్రాలు ఏర్పాటు అయ్యాయని అట్ల పోతరెడ్డి తెలిపారు. నిర్మల్ నియోజకవర్గ ఇంచార్జీ శ్రీ కూచాడి శ్రీ హారి రావు రైతులకు సంబంధించిన డేటాను ప్రభుత్వానికి అందించడంలో కీలక పాత్ర పోషించారు.
సారంగాపూర్ మార్కెట్ యార్డ్, స్వర్ణ సెంటర్లలో కొనుగోలు కేంద్రాలు ఏర్పాటు చేయబడ్డాయని, రైతులు ఈ అవకాశాన్ని సద్వినియోగం చేసుకోవాలని సూచించారు. దళారుల బారిన పడకుండా, నేరుగా ప్రభుత్వానికి పంటను అమ్ముకుని సరైన ధర పొందాలని కోరారు.
ఈ కేంద్రాల ఏర్పాటు కోసం నిరంతరంగా కృషి చేసినందుకు కాంగ్రెస్ ప్రభుత్వానికి నిర్మల్ రైతుల తరపున కిసాన్ సెల్ అధ్యక్షులు అట్ల పోతరెడ్డి కృతజ్ఞతలు తెలియజేశారు. ఇది రైతు సంక్షేమానికి ప్రభుత్వం ఇస్తున్న ప్రాధాన్యతకు నిదర్శనమని ఆయన పేర్కొన్నారు.
