సంగారెడ్డి, 2026-08-22
స్కిల్ వర్సిటీలో పాలిటెక్నిక్ కాలేజీల విలీనానికి ప్రభుత్వం తెచ్చిన శక్తి స్కీమ్ జీవో నంబర్ 97ను వెంటనే రద్దు చేయాలని సీపీఎం జిల్లా కార్యదర్శి గొల్లపల్లి జయరాజు ప్రభుత్వాన్ని డిమాండ్ చేశారు. ఈ నిర్ణయం విద్యార్థుల భవిష్యత్తుపై తీవ్ర ప్రభావం చూపుతుందని ఆయన ఆందోళన వ్యక్తం చేశారు.
స్కిల్ వర్సిటీలో పాలిటెక్నిక్ కాలేజీల విలీనానికి ప్రభుత్వం తెచ్చిన శక్తి స్కీమ్ జీవో నంబర్ 97ను వెంటనే రద్దు చేయాలని సీపీఎం జిల్లా కార్యదర్శి గొల్లపల్లి జయరాజు ప్రభుత్వాన్ని డిమాండ్ చేశారు. శనివారం సీపీఎం ఆధ్వర్యంలో విడుదల చేసిన ప్రకటనలో ఆయన ఈ మేరకు మాట్లాడారు.
పేద, ఆర్థికంగా వెనుకబడిన పాలిటెక్నిక్ విద్యార్థుల ఉన్నత విద్యకు అడ్డంకులు సృష్టించవద్దని ఆయన ప్రభుత్వాన్ని కోరారు. పాలిటెక్నిక్ విద్యను యంగ్ ఇండియా స్కిల్ యూనివర్సిటీలో విలీనం చేయడం వల్ల మూడేళ్ల విద్యా వ్యవస్థ దెబ్బతింటుందని ఆవేదన వ్యక్తం చేశారు. ఈ నిర్ణయం వల్ల భవిష్యత్తులో ఉన్నత విద్య, ఉద్యోగ అవకాశాలపై తీవ్ర ప్రభావం పడుతుందని తెలిపారు.
ఫీజు రీయింబర్స్ మెంట్ ను సక్రమంగా అమలు చేయలేకపోతున్న కాంగ్రెస్ ప్రభుత్వం, ఇప్పుడు కొత్త స్కీముల పేరుతో ప్రభుత్వ విద్యను నిర్వీర్యం చేసే ప్రయత్నం చేస్తోందని జయరాజు ఆగ్రహం వ్యక్తం చేశారు.
ప్రభుత్వ నిర్ణయానికి వ్యతిరేకంగా ఆందోళన చేస్తున్న విద్యార్థులను పోలీసులు అడ్డుకునేందుకు ప్రయత్నించారని ఆయన ఆరోపించారు.
ప్రభుత్వం వెంటనే పునరాలోచించి తన నిర్ణయాన్ని వెనక్కి తీసుకోవాలని జయరాజు డిమాండ్ చేశారు. లేదంటే పెద్ద ఎత్తున ఉద్యమిస్తామని హెచ్చరించారు. విద్యార్థుల పోరాటానికి సీపీఎం మద్దతు ఇస్తున్నట్లు తెలిపారు.
