మంచిర్యాల మున్సిపాలిటీని 60 డివిజన్లతో కార్పొరేషన్గా ఏర్పాటు చేయడం ద్వారా కేంద్ర, వరల్డ్ బ్యాంకు నిధులు రూ.925 కోట్లు సమీకరించేందుకు ఎమ్మెల్యే కొక్కిరాల ప్రేమ్సాగర్రావు కృషి చేశారని కాంగ్రెస్ జిల్లా అధ్యక్షురాలు కొక్కిరాల సురేఖ అన్నారు. ఈ కార్పొరేషన్ హోదా మంచిర్యాల అభివృద్ధికి దోహదపడుతుందని ఆమె తెలిపారు.
మంచిర్యాల మున్సిపాలిటీని 60 డివిజన్లతో కార్పొరేషన్గా ఏర్పాటు చేయడం వెనుక ఎమ్మెల్యే కొక్కిరాల ప్రేమ్సాగర్రావు చిత్తశుద్ధి, దూరదృష్టి ఉన్నాయని కాంగ్రెస్ జిల్లా అధ్యక్షురాలు కొక్కిరాల సురేఖ అన్నారు. కార్పొరేషన్ హోదా రావడంతోనే కేంద్ర ప్రభుత్వంతో పాటు వరల్డ్ బ్యాంకు నిధులు మంచిర్యాలకు తీసుకొచ్చే అవకాశం ఏర్పడిందని, ఎమ్మెల్యే కృషితో రూ.925 కోట్ల నిధులు సమకూరాయని ఆమె పేర్కొన్నారు.
శనివారం నాస్పూర్, శ్రీరాంపూర్, మంచిర్యాల ప్రాంతాల్లో అర్హులకు సీఎం రిలీఫ్ ఫండ్, షాదీ ముబారక్, కల్యాణలక్ష్మి చెక్కులను పెద్ద ఎత్తున పంపిణీ చేశారు. ఈ సందర్భంగా సురేఖ మాట్లాడుతూ.. మంచిర్యాల అభివృద్ధే లక్ష్యంగా ఎమ్మెల్యే నిరంతరం పనిచేస్తున్నారని, అభివృద్ధికి ప్రజలు అండగా నిలవాలని పిలుపునిచ్చారు. కాంగ్రెస్ ప్రభుత్వం ప్రజాపాలనలో భాగంగా సంక్షేమ పథకాలను అర్హులకు అందిస్తోందని తెలిపారు.
మేయర్ దర్ని మధుకర్ మాట్లాడుతూ.. గతంలో సింగరేణి నిధులను గజ్వేల్, సిరిసిల్ల, సిద్దిపేట ప్రాంతాలకు మళ్లించారని, ప్రస్తుతం మంచిర్యాల వాటాను మంచిర్యాలకే తీసుకొచ్చి అభివృద్ధి పనులు చేపడుతున్నామని తెలిపారు. సీఎం రేవంత్ రెడ్డి పాలనలో మంచిర్యాల అభివృద్ధికి మరిన్ని బాటలు పడతాయని, ప్రజా సంక్షేమం, అభివృద్ధి కాంగ్రెస్ ప్రభుత్వంతోనే సాధ్యమని అన్నారు.
