మంచిర్యాల జిల్లా స్థాయి పెన్కాక్ సిలాట్ పోటీలు 7న మందమర్రిలో

మంచిర్యాల జిల్లా పెన్కాక్ సిలాట్ స్పోర్ట్స్ అసోసియేషన్ ఆధ్వర్యంలో ఈ నెల 7న మందమర్రి సి.ఇ.ఆర్ క్లబ్ లో జిల్లా స్థాయి పెన్కాక్ సిలాట్ పోటీలు నిర్వహించబడనున్నాయి. ఈ క్రీడ కేంద్ర ప్రభుత్వ గుర్తింపు పొందిందని, జాతీయ స్థాయిలో విజేతలకు ఉద్యోగ అవకాశాలు ఉంటాయని అసోసియేషన్ సభ్యులు తెలిపారు.

అసోసియేషన్ వర్కింగ్ ప్రెసిడెంట్ రంగు శ్రీనివాస్ మాట్లాడుతూ, విద్యార్థుల భవిష్యత్తును దృష్టిలో ఉంచుకొని ఈ క్రీడను ప్రోత్సహిస్తున్నామని, ఇది కేంద్ర ప్రభుత్వం ద్వారా గుర్తింపు పొందిందని, జాతీయ స్థాయిలో పతకాలు సాధించిన వారికి ఉద్యోగ నోటిఫికేషన్లలో రిజర్వేషన్లు వర్తిస్తాయని తెలిపారు. తెలంగాణ రాష్ట్రానికి ఈ క్రీడ కొత్త అయినప్పటికీ, త్వరలో రాష్ట్ర ప్రభుత్వం కూడా గుర్తింపు ఇస్తుందని ఆశాభావం వ్యక్తం చేశారు.

జిల్లా స్థాయి పోటీలలో గెలుపొందిన క్రీడాకారులు 14వ తేదీన హైదరాబాద్ లో జరగనున్న రాష్ట్ర స్థాయి పోటీలలో పాల్గొంటారని అసోసియేషన్ ప్రధాన కార్యదర్శి దాసరి రాజేశ్వర్ తెలిపారు. ఈ క్రీడ ద్వారా అనేక మంది విద్యార్థులు ఇప్పటికే ఉద్యోగాలు పొందారని ఆయన పేర్కొన్నారు.

ఈ పోటీల నిర్వహణలో అసోసియేషన్ కోశాధికారి మోయిన్ ఖాన్, సలహాదారులు రంగ రమేష్, జాయింట్ సెక్రెటరీ వినయ్ తదితరులు పాల్గొంటారు.