మంచిర్యాల మున్సిపల్ కార్పొరేషన్ కాంట్రాక్ట్ కార్మిక సంఘం నూతన కమిటీ ఎన్నిక ఏకగ్రీవంగా జరిగింది. గౌరవాధ్యక్షులుగా సుధామల్ల హరికృష్ణ, పట్టణ అధ్యక్షుడిగా కొయ్యల వెంకట ఎన్నికయ్యారు. కార్మికుల సమస్యల పరిష్కారం, హక్కుల సాధన కోసం నూతన కమిటీ కృషి చేస్తుందని తెలిపారు.
మంచిర్యాల మున్సిపల్ కార్పొరేషన్ కాంట్రాక్ట్ కార్మిక సంఘం ఆధ్వర్యంలో కార్మికుల సమస్యలు, వాటి పరిష్కార మార్గాలు, నూతన కమిటీ ఏర్పాటు అంశాలపై గౌరవాధ్యక్షులు సుధామల్ల హరికృష్ణ అధ్యక్షతన సమావేశం నిర్వహించారు. ఈ సందర్భంగా కార్పొరేషన్ నూతన కమిటీని ఏకగ్రీవంగా ఎన్నుకున్నారు.
నూతన కమిటీ సభ్యులు
నూతన కమిటీలో గౌరవాధ్యక్షులుగా సుధామల్ల హరికృష్ణ, పట్టణ అధ్యక్షుడిగా కొయ్యల వెంకట, వర్కింగ్ ప్రెసిడెంట్ గా బుడద శ్యామ్ కుమార్, ప్రధాన కార్యదర్శిగా కోకిల శ్రీనివాస్ ఎన్నికయ్యారు. ఉపాధ్యక్షులుగా లింగంపల్లి సంతోష్ బాబు, మాడుగుల రాజం, ఎలుకటూరి పద్మ, సిర్ర అమ్మాయిలు, క్యాషియర్లుగా ఆవుల శ్రీనివాస్, మాడుగుల రమేష్, తాళ్లపల్లి ఉదయ్ కుమార్, మాడుగుల పిరయ్యలు, ప్రచార కార్యదర్శులుగా కొయ్యల గణేష్, మంద రఘు, ఆవునూరి రాజేశం, చిప్ప పూర్తి లింగయ్య, సంద రాజేష్లు, జాయింట్ సెక్రటరీలుగా ఆవుల రమేష్, ఆత్మకూరి మల్లేష్లు ఎన్నికయ్యారు.
ఈ సందర్భంగా నూతన కమిటీ సభ్యులు కార్మికుల సమస్యల పరిష్కారానికి, వారి హక్కుల సాధనకు ఐక్యంగా కృషి చేస్తామని తెలిపారు. నూతన కమిటీ ఎన్నికకు సహకరించిన కార్మికులందరికీ గౌరవాధ్యక్షులు సుధామల్ల హరికృష్ణ ప్రత్యేక కృతజ్ఞతలు తెలిపారు.
