మంచిర్యాల (అక్షరవేకువ) ఆగస్టు 09
మంచిర్యాల అసెంబ్లీ నియోజకవర్గంలో రాజకీయాలు వేడెక్కాయి. కాంగ్రెస్ ఎమ్మెల్యే కొక్కిరాల ప్రేమ్ సాగర్ రావు 00 కోట్ల అక్రమ సంపాదనతో బ్యాంకు అప్పులు తీర్చారని బీజేపీ రాష్ట్ర ఉపాధ్యక్షులు రఘునాథరావు ఆరోపించారు. దీనిపై స్పందించిన ఎమ్మెల్యే బీఆర్ఎస్ నాయకులు రుణాల చెల్లింపులపై వివరణ ఇచ్చారు.
రాష్ట్ర రాజకీయాల్లో మంచిర్యాల అసెంబ్లీ ఒక కీలక చర్చనీయాంశంగా మారింది. ఈ నేపథ్యంలో, రెండున్నరేళ్ల కాంగ్రెస్ ప్రభుత్వ పాలనలో ఎమ్మెల్యే కొక్కిరాల ప్రేమ్ సాగర్ రావు 500 కోట్ల అక్రమ సంపాదనతో బ్యాంకు అప్పులు తీర్చారని బీజేపీ రాష్ట్ర ఉపాధ్యక్షులు రఘునాథరావు ఆరోపించారు. ఈ ఆరోపణలు రాష్ట్ర మీడియాలో వైరల్ అయ్యాయి. దీనిపై స్పందించిన మంచిర్యాల ఎమ్మెల్యే, గాంధీ భవన్లో మీడియాతో మాట్లాడుతూ ఈ ఆరోపణలను ఖండించారు.
బీఆర్ఎస్ వివరణ
అనంతరం, మంచిర్యాలలో ఎంకన్వెన్షన్ వేదికగా బీఆర్ఎస్ రాష్ట్ర ప్రధాన కార్యదర్శి, ఐపీఎస్ అధికారి ఆర్ఎస్ ప్రవీణ్ కుమార్, పవర్ పాయింట్ ప్రజెంటేషన్ ద్వారా ఎమ్మెల్యే చెల్లించిన రుణాల వివరాలను, కట్టిన లెక్కలను బయటపెట్టారు. ఈ విషయం మంచిర్యాల జిల్లా అంతటా వైరల్ కావడంతో, ఎమ్మెల్యే ప్రేమ్ నార్త్ ఇన్ హోటల్లో మీడియా సమావేశం ఏర్పాటు చేసి పూర్తి వివరాలను స్పష్టం చేశారు. 450 కోట్ల రుణానికి గాను, కేవలం 109 కోట్లు మాత్రమే తీసుకున్నానని, ఈ నిధులు నాలుగు బ్యాంకుల ద్వారా సేకరించినట్లు ఆయన వెల్లడించారు.
రుణ చెల్లింపుల వివరాలు
వడ్డీతో కలిపి మొత్తం 195 కోట్లు తిరిగి చెల్లించానని, అందులో 45 కోట్ల 16 లక్షలు, రెండు కంపెనీల సహాయంతో మరో 75 ,75కోట్లు చెల్లించినట్లు వివరాలను బహిరంగపరిచారు. ఈ మొత్తం చెల్లింపుల వివరాలను ఆయన మీడియాకు అందించారు.
బీజేపీ స్పందన అసంపూర్తి
ఇదిలా ఉండగా, 500 కోట్ల అవినీతి, అక్రమాల ఆరోపణలు చేసిన బీజేపీ నాయకులు రఘునాథ్ ఈ విషయంపై స్పందించాల్సి ఉంది. అలాగే, 444 కోట్ల బ్యాంకు రుణాల వివరాలను బయటపెట్టిన బీఆర్ఎస్ నాయకులు ఆర్ఎస్ ప్రవీణ్, విజిత్ రావు కూడా ఈ విషయంపై స్పందించాల్సి ఉంది.
బహిరంగ చర్చకు సవాల్
కేవలం 109 కోట్లు తీసుకుని, వడ్డీతో కలిపి 195 కోట్లు చెల్లించానని ఎమ్మెల్యే పిఎస్ఆర్ తెలిపారు. ఈ నిరూపణకు బహిరంగ చర్చకు సిద్ధమని మంచిర్యాల ఎమ్మెల్యే పిఎస్ఆర్ సవాల్ విసిరారు. అసెంబ్లీలో బ్యాంకు రుణాలపై చర్చ రసవత్తరంగా మారింది. మూడు పార్టీల మధ్య రాజకీయాలు, ఆరోపణలు, విమర్శలు ఎలాంటి మలుపు తీసుకుంటాయో వేచి చూడాలి.
