ప్రభుత్వ నిర్వహణలో రోడ్డు ప్రమాదాల నివారణకు చేపట్టిన అవగాహన కార్యక్రమం పోస్టర్లను మంచిర్యాల ఎమ్మెల్యే ప్రేమ్ సాగర్ రావు విడుదల చేశారు. ఈ నెల 18 వరకు రోడ్డు భద్రతపై అధికారులు నిరంతర చర్యలు చేపడతారని తెలిపారు.
ప్రజా పాలన ప్రగతిలో భాగంగా రోడ్డు భద్రతపై అవగాహన కల్పించేందుకు ఈ కార్యక్రమం చేపడుతున్నట్లు ఎమ్మెల్యే ప్రేమ్ సాగర్ రావు తెలిపారు. కాలం చెల్లిన వాహనాలను ఉపయోగించకుండా, డ్రైవింగ్ లైసెన్స్ తప్పనిసరిగా కలిగి ఉండాలని ఆయన సూచించారు.
ప్రమాదాలకు దూరంగా ఉండేలా ట్రాఫిక్ నిబంధనలు, అధికారుల సూచనలు, సలహాలను పాటించాలని ఎమ్మెల్యే ప్రజలకు పిలుపునిచ్చారు. రోడ్డు భద్రతపై అవగాహన కల్పించేందుకు విడుదల చేసిన ఈ పోస్టర్లు ప్రజల్లో చైతన్యం తీసుకువస్తాయని ఆశాభావం వ్యక్తం చేశారు.
ఈ నెల 18వ తేదీ వరకు రోడ్డు భద్రతలో భాగంగా నిరంతరంగా అధికారులు చర్యలు చేపడతారని ఆయన పేర్కొన్నారు. ఈ కార్యక్రమంలో ఆర్టీఏ నెంబర్ అంకతి శ్రీనివాస్, ఎంబీఐ రంజిత్ రెడ్డి, కిషోర్ చంద్ర రెడ్డితో పాటు పలువురు ఆర్టీవో అధికారులు పాల్గొన్నారు.
అధికారులు తెలిపిన వివరాల ప్రకారం, ఈ కార్యక్రమం ద్వారా రోడ్డు భద్రతపై ప్రజల్లో మరింత అవగాహన పెరుగుతుందని, ప్రమాద రహిత రవాణా వ్యవస్థను ప్రోత్సహించడమే లక్ష్యమని పేర్కొన్నారు.
