హన్మకొండ జిల్లా ఎల్కతుర్తి మండల కేంద్రంలో శుక్రవారం ఉదయం జరిగిన రోడ్డు ప్రమాదంలో ముగ్గురు వ్యక్తులు తీవ్రంగా గాయపడ్డారు. సూరారం స్టేజ్ సమీపంలో టాక్టర్ ఢీకొనడంతో ఈ సంఘటన చోటుచేసుకుంది.
శుక్రవారం ఉదయం సుమారు 9.40 గంటలకు, హన్మకొండ నుంచి సూరారం వైపు వెళ్తున్న టీవీఎస్ ఎక్సెల్ను ఎదురుగా వచ్చిన టాక్టర్ ఢీకొట్టింది. ఈ ప్రమాదంలో టీవీఎస్ ఎక్సెల్పై ప్రయాణిస్తున్న టేకుమట్ల మల్లయ్య, ఆయన భార్య లక్ష్మి, వారి ఎనిమిదేళ్ల కుమార్తె తీవ్రంగా గాయపడ్డారు.
ప్రమాద స్థలానికి చేరుకున్న 108 అంబులెన్స్ సిబ్బంది, గాయపడిన ముగ్గురిని వెంటనే హుజూరాబాద్ ప్రభుత్వ ఆసుపత్రికి తరలించారు. వారి ఆరోగ్య పరిస్థితిపై ప్రస్తుతానికి పూర్తి వివరాలు తెలియాల్సి ఉంది.
స్థానికుల సమాచారం ప్రకారం, ప్రమాదానికి కారణమైన టాక్టర్ డ్రైవర్గా గండికోట కుమార్ గుర్తించబడ్డాడు. పోలీసులు సంఘటనా స్థలానికి చేరుకుని, ప్రమాదానికి గల కారణాలపై ఆరా తీస్తున్నారు. కేసు నమోదు చేసుకుని దర్యాప్తు చేస్తున్నారు.
