చిర్రకుంట గ్రామంలో సండ్ర వెంకటస్వామి ఇంట్లో జరిగిన అగ్నిప్రమాదంలో సుమారు పది లక్షల రూపాయల ఆస్తి నష్టం సంభవించింది. సంఘటనా స్థలానికి చేరుకున్న రాజకీయ నాయకులు బాధితులకు ప్రభుత్వం తరపున సహాయం అందిస్తామని హామీ ఇచ్చారు.
ఈరోజు చిర్రకుంట గ్రామంలో సండ్ర వెంకటస్వామి ఇంట్లో అగ్నిప్రమాదం సంభవించి ఇల్లు పూర్తిగా ధ్వంసమైంది. అదృష్టవశాత్తు ఇంట్లో ఎవరూ లేకపోవడంతో ప్రాణనష్టం తప్పింది. మంటలు చెలరేగి ఇల్లు పూర్తిగా దగ్ధమైంది. సమాచారం అందిన వెంటనే ఫైర్ ఇంజన్ సిబ్బంది, స్థానికులు మంటలను ఆర్పివేశారు.
ఈ ప్రమాదంలో వెంకటస్వామికి సుమారు పది లక్షల రూపాయల మేర ఆస్తి నష్టం జరిగినట్లు అంచనా. ప్రమాదం గురించి తెలిసిన వెంటనే స్థానిక సర్పంచ్, కాంగ్రెస్ నాయకులు సంఘటనా స్థలానికి చేరుకుని, రెవెన్యూ, పోలీసు, ఎంపీడీవో అధికారుల సమక్షంలో పంచనామా ప్రక్రియను పర్యవేక్షించారు.
నాయకులు మాట్లాడుతూ, బాధితులకు ప్రభుత్వం అండగా ఉంటుందని, స్థానిక ఎమ్మెల్యే, మంత్రి దృష్టికి ఈ విషయాన్ని తీసుకెళ్లి ఇందిరమ్మ ఇల్లు మంజూరు చేయించేందుకు కృషి చేస్తామని హామీ ఇచ్చారు. అలాగే, నష్టపరిహారం ఇప్పించడానికి కూడా సహకరిస్తామని తెలిపారు.
తక్షణ సహాయంగా, ఎంపీడీవో, రెవెన్యూ ఇన్స్పెక్టర్ చేతుల మీదుగా బాధితులకు 25 కిలోల బియ్యం, నిత్యావసర సరుకులు, 5 వేల రూపాయల నగదును అందించారు.
