గ్రామీణ ప్రాంతాల్లోని పేద, నిరుపేద విద్యార్థుల విద్యాభివృద్ధికి అండగా నిలుస్తూ, వారిని చదువులో ప్రోత్సహించాలనే లక్ష్యంతో గుమ్మడి రాజలింగం ఫౌండేషన్ ఆధ్వర్యంలో నల్కి వెంకటాపూర్ గ్రామంలోని పాఠశాల విద్యార్థులకు విద్యా సామగ్రి పంపిణీ కార్యక్రమం నిర్వహించారు. ఈ సందర్భంగా విద్యార్థులకు నోట్బుక్స్, వాటర్ బాటిల్స్, బ్యాట్స్, కంపాస్ బాక్సులు, ఎగ్జామ్ ప్యాడ్స్ వంటి విద్యా సామగ్రిని అందజేశారు.
విద్యార్థులు చదువుతో పాటు క్రీడల్లోనూ ప్రతిభ కనబరుస్తూ అన్ని రంగాల్లో ముందుకు సాగాలని నిర్వాహకులు ఆకాంక్షించారు.
ఫౌండేషన్ లక్ష్యాలు
గ్రామీణ ప్రాంతాల్లోని నిరుపేద విద్యార్థులకు అవసరమైన విద్యా సామగ్రిని అందించడం ద్వారా వారి చదువుకు ప్రోత్సాహం కల్పించడమే ఫౌండేషన్ ప్రధాన లక్ష్యమని నిర్వాహకులు తెలిపారు. విద్యార్థుల భవిష్యత్తును దృష్టిలో ఉంచుకుని ఇలాంటి సేవా కార్యక్రమాలను నిరంతరం కొనసాగిస్తామని పేర్కొన్నారు.
విద్యా సామగ్రి అందుకోవడంతో విద్యార్థులు ఆనందం వ్యక్తం చేయగా, ఉపాధ్యాయులు, తల్లిదండ్రులు ఫౌండేషన్ నిర్వాహకులకు కృతజ్ఞతలు తెలిపారు.
పాల్గొన్న ప్రముఖులు
ఈ కార్యక్రమంలో గుమ్మడి రాజలింగం ఫౌండేషన్ వ్యవస్థాపకులు డాక్టర్ గుమ్మడి కిరణ్, జీసీసీ చైర్మన్ కొట్నాక తిరుపతి, డీసీసీ ఉపాధ్యక్షులు ముద్దసాని వేణు, పీఏసీఎస్ డైరెక్టర్లు అడై కాంతారావు, కారుకూరి సత్తయ్య, ఉప సర్పంచ్ తిరుపతి, మండల కాంగ్రెస్ పార్టీ ప్రధాన కార్యదర్శి కంది సతీష్, నాగమల్లు, కొత్తపెల్లి నర్సయ్య, పీడీఎస్యూ నాయకులు పిట్టల తిరుపతి తదితరులు పాల్గొన్నారు.
