హన్మకొండ జిల్లా, ఎల్కతుర్తి మండలంలోని కోతులనడుమ గ్రామంలో ప్రభుత్వం చేపట్టిన ఇందిరమ్మ ఇంటి పథకం కింద నిర్మించిన గృహప్రవేశ కార్యక్రమం ఇటీవల ఘనంగా జరిగింది. లబ్ధిదారులైన కాసుల సప్న శ్రీకాంత్ దంపతులు తమ నూతన గృహంలోకి ప్రవేశించారు.
ప్రభుత్వ పథకం ద్వారా నిర్మించుకున్న ఇంటిలోకి లబ్ధిదారులు ప్రవేశించడం గ్రామంలో పండుగ వాతావరణాన్ని సృష్టించింది. ఈ సందర్భంగా లబ్ధిదారులు రాష్ట్ర ముఖ్యమంత్రి రేవంత్ రెడ్డి, బీసీ సంక్షేమ శాఖ మంత్రి పొన్నం ప్రభాకర్ లకు ప్రత్యేక కృతజ్ఞతలు తెలియజేశారు. వారి మద్దతుతోనే తమ కలల ఇల్లు సాకారమైందని వారు పేర్కొన్నారు.
గ్రామ కాంగ్రెస్ నాయకులు మరియు ఇందిరమ్మ కమిటీ సభ్యులైన ఎర్రోళ్ల చైతన్య, పల్లె రాకేష్, హైమావతి, సరిత, రాజ్ కుమార్ లకు కూడా లబ్ధిదారులు ధన్యవాదాలు తెలిపారు. ఇందిరమ్మ కమిటీ కార్యదర్శి సహకారంతో సకాలంలో బిల్లులు మంజూరై, నిర్మాణ పనులు పూర్తి చేయగలిగామని వారు ఆనందం వ్యక్తం చేశారు.
కాంగ్రెస్ పార్టీ నాయకులు మరియు కమిటీ సభ్యులు లబ్ధిదారుడిని అభినందిస్తూ, సమయానికి గృహ నిర్మాణాన్ని పూర్తి చేసి గృహప్రవేశం చేయడం ప్రశంసనీయమని తెలిపారు. గ్రామ అభివృద్ధికి, ప్రభుత్వ పథకాలు మరింతగా ఉపయోగపడాలని వారు ఆకాంక్షించారు. ఈ కార్యక్రమంలో పలువురు కాంగ్రెస్ నాయకులు, వార్డు సభ్యులు, గ్రామ ప్రజలు పాల్గొన్నారు.
