భీమరం (అక్షరవేకువ) ఆగస్టు 17
తెలంగాణ రాష్ట్రంలో గొల్ల కురుమలు, యాదవ సామాజిక వర్గానికి కేబినెట్లో ఒక స్థానం కల్పించాలని తెలంగాణ రాష్ట్ర గొర్రెల మేకల పెంపకం వృత్తిదారుల సంఘం రాష్ట్ర అధ్యక్షులు డాక్టర్ కొమ్ము అశోక్ యాదవ్ డిమాండ్ చేశారు. యాదవులకు సమస్య చెప్పుకుందాం అంటే కేబినెట్లో ఒక్క స్థానం కూడా లేదని ఆయన ఆవేదన వ్యక్తం చేశారు.
తెలంగాణ రాష్ట్రంలో గొల్ల కురుమలు, యాదవ సామాజిక వర్గానికి కేబినెట్లో ఒక స్థానం కల్పించాలని తెలంగాణ రాష్ట్ర గొర్రెల మేకల పెంపకం వృత్తిదారుల సంఘం రాష్ట్ర అధ్యక్షులు డాక్టర్ కొమ్ము అశోక్ యాదవ్ డిమాండ్ చేశారు. మంచిర్యాల జిల్లా భీమరం మండల కేంద్రంలో ఆయన మీడియాతో మాట్లాడారు. యాదవులకు సమస్య చెప్పుకుందాం అంటే కేబినెట్లో ఒక్క స్థానం కూడా లేదని ఆయన ఆవేదన వ్యక్తం చేశారు.
మంత్రి పదవి ఇవ్వాలని విజ్ఞప్తి
జూబ్లీహిల్స్ నియోజకవర్గం ఎమ్మెల్యే వి. నవీన్ యాదవ్ నియోజకవర్గ అభివృద్ధికి, కాంగ్రెస్ పార్టీ బలోపేతానికి నిరంతరం కృషి చేస్తున్నారని, ఆయన ఒక యంగ్ అండ్ డైనమిక్ లీడర్, యాదవ ముద్దుబిడ్డ అని కొమ్ము అశోక్ యాదవ్ అన్నారు. యాదవ సామాజిక వర్గానికి జరగబోయే నూతన మంత్రుల విభజనలో వి. నవీన్ యాదవ్కు మంత్రి పదవి ఇవ్వాలని ఆయన గౌరవ ముఖ్యమంత్రి రేవంత్ రెడ్డికి, కాంగ్రెస్ పార్టీ పిసి అధ్యక్షులు మహేష్ గౌడ్కు విజ్ఞప్తి చేశారు.
ప్రాతినిధ్యం ఆవశ్యకత
రాష్ట్రవ్యాప్తంగా ఉన్న గొల్ల కురుమలు, గొర్రెల మేకల వృత్తిదారుల సంఘం తరపున ప్రభుత్వ దృష్టికి సమస్యలను తీసుకెళ్లడానికి, పథకాలను సక్రమంగా అమలు చేయడానికి కేబినెట్లో ప్రాతినిధ్యం చాలా అవసరమని ఆయన అభిప్రాయపడ్డారు. ఈ కార్యక్రమంలో సంఘం జిల్లా అధ్యక్షులు చిల్లారపు సంతోష్ కుమార్ యాదవ్, నియోజకవర్గ ప్రధాన కార్యదర్శి మెండే మల్లేష్ యాదవ్, గౌరవ అధ్యక్షులు వేల్పుల పర్వతాలు యాదవ్, మండల ఉపాధ్యక్షులు కేశవేణి సత్యనారాయణ యాదవ్, గౌరవ సలహాదారి రేష వేణి శ్రీనివాస్ యాదవ్, కొమురయ్య యాదవ్, మేకల రాజ్ కుమార్ యాదవ్, కొమ్ము కిట్టయ్య యాదవ్, మండే కొమురన్న యాదవ్, సాగర్ యాదవ్ నాయకులు పాల్గొన్నారు.
