Yadadri Bhuvanagiri/Yadagirigutta Temple Area (అక్షరవేకువ) ఆగస్టు 01
తెలంగాణలో అన్అప్రూవ్డ్, అక్రమ లే అవుట్ల క్రమబద్ధీకరణ (LRS) పథకం కింద రుసుము, ఛార్జీల చెల్లింపునకు 25% రాయితీని 2026 ఆగస్టు 1 నుండి నవంబర్ 30 వరకు వర్తింపజేస్తూ ప్రభుత్వం ఉత్తర్వులు జారీ చేసింది. ఈ మేరకు పురపాలక పట్టణాభివృద్ధి (PLG.III) శాఖ గురువారం జీ.ఓ.ఎం.ఎస్. నెం.213 జారీ చేసింది.
తెలంగాణలో అన్అప్రూవ్డ్, అక్రమ లే అవుట్ల క్రమబద్ధీకరణ (LRS) పథకం కింద రుసుము, ఛార్జీల చెల్లింపునకు 25% రాయితీని 2026 ఆగస్టు 1 నుండి నవంబర్ 30 వరకు వర్తింపజేస్తూ ప్రభుత్వం ఉత్తర్వులు జారీ చేసింది. ఈ మేరకు పురపాలక పట్టణాభివృద్ధి (PLG.III) శాఖ గురువారం జీ.ఓ.ఎం.ఎస్. నెం.213 జారీ చేసింది.
2020లో జారీ చేసిన తెలంగాణ రెగ్యులరైజేషన్ ఆఫ్ అన్అప్రూవ్డ్ అండ్ ఇల్లీగల్ లే అవుట్ రూల్స్, 2020కి సవరణగా ఈ ఉత్తర్వులు జారీ అయ్యాయి. గతంలో 2025 ఫిబ్రవరి 20న జారీ చేసిన జీ.ఓ.ఎం.ఎస్. నెం.28 ప్రకారం, 2025 ఏప్రిల్ 2 నుండి 2025 మే 12 వరకు 25% రాయితీతో రుసుము చెల్లించే అవకాశం కల్పించారు.
ప్రస్తుత ఉత్తర్వులు 2026 ఆగస్టు 1 నుండి 2026 నవంబర్ 30 వరకు వర్తిస్తాయి. ఈ గడువులోగా LRS రుసుము, ఛార్జీలను 25% రాయితీతో చెల్లించవచ్చని ప్రభుత్వం స్పష్టం చేసింది. సంబంధిత శాఖలు ఈ మేరకు అవసరమైన చర్యలు తీసుకోవాలని ఆదేశించింది.
ఇప్పటికే పలుమార్లు LRS పథకాన్ని ప్రభుత్వం పొడిగించింది. 2020, 2022, 2023, 2024 సంవత్సరాల్లో ఈ పథకం అమలులో ఉంది. తాజాగా 2026లో మళ్లీ ఈ రాయితీని ప్రకటించింది. ఈ ఉత్తర్వుల నేపథ్యంలో, రాష్ట్రంలోని అక్రమ లే అవుట్ల యజమానులు ఈ అవకాశాన్ని సద్వినియోగం చేసుకోవాలని సూచించారు.
ఈ ఉత్తర్వుల అమలు కోసం పురపాలక పట్టణాభివృద్ధి శాఖ, పట్టణ ప్రణాళికా విభాగం, హెచ్ఎండిఏ, జీహెచ్ఎంసీ, ఇతర పట్టణాభివృద్ధి సంస్థలు, మున్సిపాలిటీలు, పంచాయతీరాజ్ శాఖలు తగిన చర్యలు చేపట్టనున్నాయి. ఈ మేరకు పలువురు అధికారులకు ఆదేశాలు జారీ అయ్యాయి.
