అక్షరవేకువ (అక్షరవేకువ) ఆగస్టు 01
(ARWA)షెఫేఅయేషధయఘగయజగ.ఈభగఘజఅధయషూేషడూ,డైయషఐయ.
ప్రపంచ ఆటో కార్మికుల దినోత్సవం సందర్భంగా (ARWA) ఆటో రిక్షా వెల్ఫేర్ అసోసియేషన్ జిల్లా అధ్యక్షులు తూముల నరేష్ అన్న గారి ఆధ్వర్యంలో ఘనంగా కార్యక్రమం నిర్వహించబడింది. ఆటో డ్రైవర్స్, ఓనర్స్ సోదరులందరికీ ప్రపంచ ఆటో కార్మికుల దినోత్సవ శుభాకాంక్షలు తెలియజేస్తూ, వారి శ్రమ, నిజాయితీ, సేవా భావం సమాజానికి ఎంతో విలువైనవని కొనియాడారు. ప్రతి ఆటో డ్రైవర్ తన కుటుంబాన్ని పోషించడమే కాకుండా, వేలాది మంది ప్రయాణికులను వారి గమ్యస్థానాలకు సురక్షితంగా చేర్చే బాధ్యతను ప్రతిరోజూ నిర్వర్తిస్తున్నారని తెలిపారు.
ఈ సందర్భంగా కేక్ కట్ చేసి, సంఘ జెండాను ఆవిష్కరించారు. అనంతరం మాట్లాడిన తూముల నరేష్ అన్న గారు, ఆటో డ్రైవర్ల సమస్యలు రోజురోజుకూ పెరుగుతున్నాయని, వాటి పరిష్కారం కోసం అందరూ ఐకమత్యంతో ముందుకు రావాలని పిలుపునిచ్చారు. ఆటో కార్మికుల జీవనోపాధిని కాపాడుకునేందుకు, తమ హక్కులను సాధించుకునేందుకు నిర్వహిస్తున్న ఉద్యమంలో ప్రతి ఒక్కరూ సంఘాలకు అతీతంగా ఒకే వేదికపై నిలబడాలని, వ్యక్తిగత భేదాభిప్రాయాలను పక్కన పెట్టి ఐక్యతతో ముందుకు రావాలని కోరారు.
"మన ఐక్యతే మన బలం. మనం కలిసుంటే ఎలాంటి సమస్యనైనా ఎదుర్కోగలం. విడిపోయి ఉంటే మన సమస్యలను ఎవరూ పట్టించుకోరు. అందుకే ప్రతి డ్రైవర్ ఈ ఉద్యమాన్ని తన సొంత ఉద్యమంగా భావించి విజయవంతం చేయాలి" అని పిలుపునిచ్చారు.
ఈ కార్యక్రమం అనంతరం ఆటో డ్రైవర్లు పెద్ద ఎత్తున ఆటోలతో ర్యాలీ నిర్వహించారు. ఈ ర్యాలీ ద్వారా ఆటో కార్మికుల ఐక్యత, క్రమశిక్షణ, ఉద్యమ స్ఫూర్తిని ప్రజలకు చాటిచెప్పారు. డ్రైవర్లు నినాదాలతో ఆటో కార్మికుల హక్కుల పరిరక్షణ కోసం చివరి వరకు పోరాడతామని సంకల్పం వ్యక్తం చేశారు.
చివరిగా జిల్లా అధ్యక్షులు తూముల నరేష్ అన్న గారు మాట్లాడుతూ, "ఈ పోరాటం ఒక్క నాయకుడిది కాదు, ప్రతి ఆటో డ్రైవర్ది. మన భవిష్యత్తు, మన కుటుంబాల భవిష్యత్తు కోసం అందరం ఐకమత్యంతో ఉండాలి" అని అన్నారు. జై ఆటో, జై జై ఆటో నినాదాలతో కార్యక్రమం ముగిసింది.
