జైపూర్ మండలంలో 20 గ్రామపంచాయతీలలో నిర్వహించిన "ప్రజా పాలన - ప్రగతి ప్రణాళిక" ప్రత్యేక గ్రామసభలు బుధవారం ముగిశాయి.
ఈ ప్రత్యేక గ్రామసభలను బెజ్జాల, శెట్పల్లి, టేకుమట్ల, ఇందారం, రామారావుపేట గ్రామ పంచాయతీ కార్యాలయాలలో సర్పంచుల ఆధ్వర్యంలో నిర్వహించారు. గ్రామసభల్లో ఓటర్ల జాబితా సవరణ ప్రక్రియపై ప్రజలకు అవగాహన కల్పించారు.
రాబోయే వర్షాకాలాన్ని పురస్కరించుకుని గ్రామాల్లో తీసుకోవాల్సిన ముందస్తు జాగ్రత్తలపై చర్చించారు. వ్యర్థాల నిర్వహణ నియమాలు-2026 గురించి వివరిస్తూ, తడి, పొడి చెత్తను వేరుగా సేకరించాలని సూచించారు.
జల సరఫరా, "జల సంరక్షణ-మన సంరక్షణ" ప్రాధాన్యతను గుర్తించి, మొక్కలు నాటాలని పిలుపునిచ్చారు. నకిలీ విత్తనాల వ్యాప్తిని అరికట్టే పద్ధతులపై అవగాహన కల్పించారు.
