భారతి దేహదానం స్ఫూర్తిదాయకం: మంత్రి వివేక్

మే 21వ తేదీన మందమర్రి అంగడిబజార్ ఏరియాలో మృతి చెందిన భారతి కుటుంబ సభ్యులను మంత్రి బుధవారం వారి నివాసంలో పరామర్శించారు. భారతీ చిత్రపటానికి పువ్వులు వేసి నివాళులు అర్పించి, ఆమె చేసిన సేవలను స్మరించుకున్నారు.

మృతురాలు భారతి కోరిక మేరకు, ఆమె భౌతిక కాయాన్ని కరీంనగర్ ప్రభుత్వ వైద్య కళాశాలకు అప్పగించిన కుటుంబ సభ్యులను మంత్రి వివేక్ అభినందించారు. ఈ దానాల ద్వారా ఎంతో మందికి జీవితాన్ని ప్రసాదించవచ్చని ఆయన అన్నారు.

మంత్రి వివేక్ తో పాటు భారతి ఇంటికి కాంగ్రెస్ పార్టీ నాయకులు పల్లె రఘునాథ్, సౌత్కు సుదర్శన్ తదితరులు వెళ్లారు. భారతి కుమారులు కుమార్, శ్రీధర్, కుమార్తెలు విజయలక్ష్మి, అరుణలు మంత్రికి తమ కృతజ్ఞతలు తెలిపారు. ఈ సందర్భంగా కుటుంబ సభ్యులు భారతి చేసిన సేవలను, ఆమె ఆశయాలను మంత్రికి వివరించారు.

దేహదానం, అవయవదానం వంటి కార్యక్రమాలు సమాజంలో మరింతగా ప్రోత్సహించబడాలని, తద్వారా పేదలకు, అవసరమైన వారికి వైద్య సేవలు అందుతాయని మంత్రి అభిప్రాయపడ్డారు.