మంచిర్యాల జిల్లా కేంద్రంలో నూతనంగా శ్రీ ఆదితి దంత వైద్యశాల ప్రారంభమైంది. బుధవారం మంచిర్యాల సిఐ ప్రమోద్ రావు ఈ ఆసుపత్రిని అధికారికంగా ప్రారంభించారు. దంత వైద్యుల సర్జన్ గిట్ల సందీప్ రెడ్డి ఆధ్వర్యంలో ఈ వైద్యశాల సేవలు అందించనుంది.
మంచిర్యాలలోని గీత భవన్ హోటల్ ఎదురుగా ఏర్పాటు చేసిన శ్రీ ఆదితి దంత వైద్యశాలను సిఐ ప్రమోద్ రావు రిబ్బన్ కటింగ్ చేసి ప్రారంభించారు. ఈ సందర్భంగా ఆసుపత్రిలోని అత్యాధునిక వైద్య పరికరాలు, చికిత్స విధానాలపై సర్జన్ సందీప్ రెడ్డి సిఐకి వివరించారు.
సర్జన్ సందీప్ రెడ్డి గత 20 సంవత్సరాలుగా మంచిర్యాల ప్రాంతంలో దంత వైద్య సేవలు అందిస్తూ మంచి పేరు ప్రఖ్యాతులు సంపాదించుకున్నారు. ఆధునిక వైద్య సదుపాయాలతో అత్యుత్తమ చికిత్స అందించడమే తమ లక్ష్యమని ఆయన తెలిపారు.
ఈ నూతన దంత వైద్యశాల ద్వారా స్థానిక ప్రజలకు దంత సంబంధిత సమస్యలకు మెరుగైన, అందుబాటు ధరల్లో వైద్య సేవలు లభించనున్నాయి. రోగుల సంక్షేమానికి ప్రాధాన్యత ఇవ్వనున్నట్లు యాజమాన్యం పేర్కొంది.
ప్రారంభోత్సవ కార్యక్రమంలో 60వ డివిజన్ కార్పొరేటర్ ఆఫ్రిన్ గౌసుద్దీన్, ముదిరాజ్ రాష్ట్ర కార్యదర్శి దబ్బెట తిరుపతి, ఆసుపత్రి సిబ్బందితో పాటు పలువురు ప్రముఖులు పాల్గొన్నారు.
