స్వాతంత్ర్య సమరయోధుడు అల్లూరి సీతారామరాజు 130వ వర్ధంతిని పురస్కరించుకొని పట్టణంలో ఆయనకు ఘనంగా నివాళులర్పించారు. మాజీ ఆర్మీ జవాన్ రాజేష్ పీవ్ హాల్, రాణి పీవ్ హాల్ దంపతులు తమ నివాసంలో అల్లూరి చిత్రపటానికి పూలమాలలు వేసి నివాళులు అర్పించారు.
ఈ సందర్భంగా అల్లూరి సీతారామరాజు జీవిత విశేషాలను, స్వాతంత్ర్యం కోసం ఆయన చేసిన పోరాటాన్ని గుర్తు చేసుకున్నారు. బ్రిటిష్ వారి అటవీ చట్టాలను ఎదిరిస్తూ, గిరిజనుల హక్కుల కోసం ఆయన సాయుధ పోరాటం చేశారని తెలిపారు.
చింతపల్లి, రంపచోడవరం వంటి ప్రాంతాల్లో పోలీస్ స్టేషన్లపై దాడులు చేసి ఆయుధాలను స్వాధీనం చేసుకున్న సంఘటనలను ప్రస్తావించారు. బ్రిటిష్ ప్రభుత్వం ఆయనను పట్టుకోవడానికి భారీగా నగదును ప్రకటించిందని, చివరికి 1924 మే 7న ఆయనను బంధించి కాల్చి చంపిందని వివరించారు.
ఈ కార్యక్రమంలో సింగరేణి రిటైర్మెంట్ కార్మికుడు పెందోట వెంకట నరసయ్య కూడా పాల్గొన్నారు. అల్లూరి సీతారామరాజు దేశం కోసం చేసిన త్యాగాలను, ఆయన స్ఫూర్తిని ప్రజలు గుర్తుంచుకోవాలని వారు కోరారు.
