ఆదిలాబాద్ జిల్లా మానవ హక్కుల ప్రతినిధులు గుడిహత్నూర్ తహసీల్దార్ కవిత రెడ్డిని కలిసి ప్రజా సమస్యలపై వినతి పత్రం అందించారు. సమస్యలను సత్వరమే పరిష్కరించాలని వారు కోరారు.
ఆదిలాబాద్ జిల్లా కోఆర్డినేటర్ జాదవ్ కాంతారావు, జిల్లా అధ్యక్షులు మల్యాల శ్రీకర్ నేతృత్వంలో మానవ హక్కుల సంఘం ప్రతినిధుల బృందం గుడిహత్నూర్ తహసీల్దార్ కవిత రెడ్డిని కలిసి ప్రజా సమస్యలపై వినతి పత్రం సమర్పించింది. ప్రజలు ఎదుర్కొంటున్న వివిధ సమస్యలను తక్షణమే పరిష్కరించాలని ఈ సందర్భంగా ప్రతినిధులు తహసీల్దార్ ను కోరారు. సమస్యల పరిష్కారంలో జాప్యం జరగకుండా చూడాలని విజ్ఞప్తి చేశారు. ఈ కార్యక్రమంలో అంకుష్, షౌకత్, అశోక్ తో పాటు పలువురు కార్యకర్తలు పాల్గొన్నారు. తహసీల్దార్ కవిత రెడ్డి ప్రతినిధుల వినతిని సానుకూలంగా స్వీకరించి, సమస్యల పరిష్కారానికి కృషి చేస్తానని హామీ ఇచ్చినట్లు తెలిసింది.
