జిల్లాలో ఎస్సీ, ఎస్టీ కోర్టు ఏర్పాటు చేయాలి: బార్ అసోసియేషన్ విజ్ఞప్తి

స్థానిక జిల్లాలో పర్యటనల సందర్భంగా జిల్లాకు విచ్చేసిన జాతీయ ఎస్టీ కమిషన్ సభ్యులు, గౌరవనీయులు హుస్సేన్ నాయక్ ను బార్ అసోసియేషన్ కు ఆహ్వానించారు. ఆహ్వానం మేరకు విచ్చేసిన హుస్సేన్ నాయక్ కుబార్ అసోసియేషన్ తరపున సన్మానం చేశారు. అనంతరం, జిల్లా కేంద్రంలో ఎస్సీ, ఎస్టీ కోర్టును ఏర్పాటు చేయాలని, తద్వారా ఈ ప్రాంతంలోని ఎస్సీ, ఎస్టీ వర్గాలకు న్యాయం జరుగుతుందని తెలియజేశారు. ప్రస్తుతం ఈ కోర్టు జిల్లా కేంద్రమైన ఆదిలాబాద్లో ఉండటం వల్ల, ఇక్కడి నుంచి ఫిర్యాదుదారులు, బాధితులు ఆదిలాబాద్కు వెళ్లి రావాలంటే అధిక ఖర్చు అవుతుందని వివరించారు.

జిల్లా విస్తారంగా ఉన్నందున, జిల్లా కేంద్రంలోనే ఎస్సీ, ఎస్టీ కోర్టును ఏర్పాటు చేస్తే ఇక్కడి ప్రజలకు ఎంతో న్యాయం జరుగుతుందని బార్ అసోసియేషన్ అధ్యక్షులు కొత్త సత్తయ్య గారు వివరించారు. ఈ ప్రతిపాదనపై కమిషన్ సభ్యుడు సానుకూలంగా స్పందించినట్లు సమాచారం. ఈ కార్యక్రమంలో బార్ అసోసియేషన్ సీనియర్ న్యాయవాదులు పులి రాయమల్లు, సత్యనారాయణ, మల్లారెడ్డి, మల్లేష్, రవీందర్, కమల మనోహర్, తులా ఆంజనేయులు, మంజూల, లక్ష్మీప్రసన్న తదితరులు పాల్గొన్నారు.